ହରଭଙ୍ଗା : ଜନତାଙ୍କ ସେବାରେ ପ୍ରଥମ ଥର ପାଇଁ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକରେ ଜର୍ଣ୍ଣାଲିଷ୍ଟ ଆସୋସିଏସନ ହରଭଙ୍ଗା ବ୍ଲକ, ଆନୁକୂଲ୍ୟରେ ଅନୁଷ୍ଠିତ “ପ୍ରଥମ ସେବା ମହୋତ୍ସବ’ର ଉଦଘାଟନୀ ଦିବସରେ ଜନତାଙ୍କ ସେବାରେ ପ୍ରଥମ ଥର ପାଇଁ ଲୋକାର୍ପିତ ହୋଇଛି ପୋର୍ଟାଲ ନିୟୁଜ ଚ୍ୟାନେଲ “ସେବା ୨୪x୭’ । ଏହି ଚ୍ୟାନେଲ କେବଳ ଅସହାୟ, ଦୁଃଖୀ, ରଙ୍କି, ଭିନ୍ନକ୍ଷମ, ଦୁର୍ଗମ ଅଂଚଳର ସାଧାରଣ ଲୋକଙ୍କ ମୌଳିକ ଅସୁବିଧାକୁ ସରକାର ଓ ପ୍ରଶାସନ ପାଖରେ ଦୃଷ୍ଟି ଆକର୍ଷଣ କରି ସମସ୍ୟାର ସମାଧାନ କରିବ ଓ ଗରିବର ହକକୁ ହାତ ମୁଠାରେ ଦେବା ପାଇଁ ଆରମ୍ଭ କରାଯାଇଛି । ଏହି ପୋର୍ଟାଲ ନିୟୁଜ ଚ୍ୟାନେଲଟିକୁ ସାଇ ଚାରିଟେବୁଲ ଟ୍ରଷ୍ଟ, ଶିଶୁପାଳ ଗଡ଼ର ଅଧକ୍ଷ ସଦାଶିବ ଦାସ ଉନ୍ମୋଚନ କରିଥିବା ବେଳେ ଜର୍ଣ୍ଣାଲିଷ୍ଟ ଆସୋସିଏସନ ହରଭଙ୍ଗା ବ୍ଲକର ବରିଷ୍ଠ ଉପଦେଷ୍ଟା ତଥା ଅଂଚଳର ଜଣାଶୁଣା ବ୍ୟକ୍ତିତ୍ୱ ସୁକାନ୍ତ ପଟ୍ଟନାୟକ ଏହି “ସେବା ୨୪x୭’ ପୋର୍ଟାଲର ମୁଖ୍ୟ ସମ୍ପାଦକ ଭାବେ କାର୍ଯ୍ୟଭାର ଦାୟିତ୍ୱ ବହନ କରିଛନ୍ତି ।
