ଖପ୍ରାଖୋଲ : ଖପ୍ରାଖୋଲ ବ୍ଲକ ଚଙ୍ଗରିଆ ପଞ୍ଚାୟତ ଚଙ୍ଗରିଆ ଗ୍ରାମରେ ଗଣେଶ ପୂଜା କମିଟି ଆନ୍ୟୁକଲ୍ୟରେ ଏକଦିବସିୟ ସୁନ୍ଦରାକାଣ୍ଡ ପାରାୟଣ ଜଗନ୍ନାଥ ମନ୍ଦିର ପ୍ରାଙ୍ଗଣଠାରେ ଅନୁଷ୍ଠିତ ହୋଇଯାଇଛି । ପ୍ରଥମେ କଳସ ପାରାୟଣ ମଣ୍ଡପ ସ୍ଥାପନ ସ଼ହ ପୂଜାର୍ଚ୍ଚନା ପରେ ପୁରାଣ ପଠନ ହୋଇଥିଲା । ଏଥିରେ ପୂଜକ ନୀଳମଣି ରଥ ପୂଜା କାର୍ଯ୍ୟ ତୁଲାଇଥିବା ବେଳେ ବଲଭଦ୍ର ପରୁଆ ଓ ଧର୍ମପତ୍ନୀ ଶ୍ରୀମତୀ ରସ ପରୁଆ କର୍ତ୍ତା ଦାୟୀତ୍ୱ ତୁଲାଇଥିଲେ । ବ୍ୟାସ ଭାବେ ସୁନାମଧନ୍ୟ ଗାୟକ ସୁନୀଲ କୁମାର ଗୁରୁ ପୁରାଣ ପଠନ କରିଥିଲେ । ତାଙ୍କର ସୁମଧୁର କଣ୍ଠ ସ୍ୱର ସମସ୍ତଙ୍କ ମନ୍ତ୍ରମୁଗ୍ଧ କରିଥିଲା । ଅଞ୍ଚଳ ବହୁ ସଂଖ୍ୟାରେ ରାମ ଭକ୍ତ ତଥା ଶ୍ରଦ୍ଧାଳୁମାନେ ଯୋଗଦେଇ ରାମଚରିତ ମାନସର ବିଭୁ କୃପା ଲାଭ କରିଥିଲେ । ଶେଷରେ ସମସ୍ତ ଭକ୍ତ ମାନଙ୍କୁ ନେଇ ଏକ ସାମୂହିକ ପ୍ରସାଦ ସେବନ ଅନୁଷ୍ଠିତ ହୋଇଥିଲା । ଏଥିରେ ଗଣେଶ ପୂଜା କମିଟି ସଭାପତି ସତ୍ୟନାରାୟଣ ଗୁରୁଙ୍କ ସମେତ କମିଟି ଅନ୍ୟ ସଦସ୍ୟ ଓ ଗ୍ରାମବାସ ସହଯୋଗ କରିଥିଲେ ।
