ପାଟଣାଗଡ଼: ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡ଼ା ବ୍ଲକ ବାଗଦୋର ପଞ୍ଚାୟତର ସମିତି ସଭ୍ୟା ବନିତା ବିଶ୍ୱାଳଙ୍କ ସ୍ୱାମୀ ଲୋକନାଥ ବିଶ୍ୱାଳଙ୍କ (୪୫) ସୋମବାର ସନ୍ଧ୍ୟାରେ ଦୁର୍ବୃତ୍ତଙ୍କ ଗୁଳି ମାଡରେ ମୃତ୍ୟୁ ଘଟିଛି । ନିଜ ଘର ସମ୍ମୁଖରେ ଉଭୟ ସ୍ୱାମୀ ସ୍ତ୍ରୀ ବସିଥିବା ବେଳେ ଏକ୍ ଅଜଣା ବାଇକରେ ଦୁଇ ଜଣ ଦୁର୍ବୃତ୍ତ ଲୋକନାଥକୁ ଗୁଳି କରିଥିଲେ । ଅନ୍ଧାରର ସୁଯୋଗ ନେଇ ଦୁର୍ବୃତ୍ତ ମାନେ ସେଠାରୁ ଲାଠୋର ରାସ୍ତା ଦେଇ ଖସି ପଳାଇଥିଲେ । ଗୁରୁତର ଅବସ୍ଥାରେ ଲୋକନାଥଙ୍କୁ ବେଲପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣଯାଇଥିଲା, ହେଲେ ସେଠରେ ଡାକ୍ତର ତାଙ୍କୁ ମୃତ ଘୋଷାଣା କରିଥିଲେ । ତାଙ୍କ ଛାତିରେ ଗୁଳି ମାଡ ହୋଇଥିବା ଡାକ୍ତର ଆମର ମିଶ୍ର ସୂଚନା ଦେଇଛନ୍ତି । ବିଶେଷ ସୂତ୍ରରୁ ମିଳିଥିବା ସୂଚନାନୁସାରେ ସନ୍ଦେହରେ ଦୁଇଜଣଙ୍କୁ ଲାଠୋର ପୋଲିସ ଅଟକ ରଖିଛି ।
