ଖଜୁରୀପଡ଼ା: କନ୍ଧମାଳ ଜିଲ୍ଲା ଅବକାରୀ ଅଧିକ୍ଷକ ପ୍ରବୀର କୁମାର ସାମଲଙ୍କ ନିର୍ଦ୍ଦେଶକ୍ରମେ ଶୁକ୍ରବାର ଦିନ ଫୁଲବାଣୀ ଅବକାରୀ ମୋବାଇଲ ଟିମ୍ ତଥା ସଦର ଅବକାରୀ ଷ୍ଟେସନ ଷ୍ଟାଫ୍ ମିଳିତ ଭାବେ ସଦର ଥାନା ଅନ୍ତର୍ଗତ ସୁଦ୍ରୁକୁମ୍ପା ଅଂଚଳର ଦେବେନ୍ଦ୍ରନାଥ ମହାନ୍ତି ଓରଫ (କାବୁଲା)ଙ୍କ ଘରେ ଚଢ଼ାଉ କରି ୮ କୁଇଣ୍ଟାଲ ୧୪ କିଲୋଗ୍ରାମ ମହୁଲ ଫୁଲ ଜବତ କରିଛନ୍ତି । ଶ୍ରୀ ମହାନ୍ତି ନିଜକୁ ଜଣେ ପ୍ରଭାବଶାଳୀ ଓ ମୁଷ୍ଟିମେୟ ବୋଲାଇ ସରକାରଙ୍କ ନିୟମକୁ ଅବମାନନା କରି ବିନା ଲାଇସେନ୍ସରେ ଏତେ ପରିମାଣ ମହୁଲ ଫୁଲ ରଖିଥିବା ଅଭିଯୋଗରେ ଏହି ବ୍ୟକ୍ତିଙ୍କ ନାମରେ ଜିଲ୍ଲା ଭ୍ରାମ୍ୟମାଣ, କନ୍ଧମାଳ କେସ ନମ୍ବର ୫୭/୨୦୨୨ ରେ ମାମଲା ରୁଜୁ କରାଯାଇ ତଦନ୍ତ ଜାରି ରଖିଥିବା ଏସ ଆଇ ବାବୁନ ଜେନା ଗଣମାଧ୍ୟମକୁ ସୂଚନା ଦେଇଛନ୍ତି ।
