ନନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଡ୍ରାଇଭର ମହାସଂଘ ପକ୍ଷରୁ ଗୋଷ୍ଠୀ ଉନ୍ନୟନ ଅଧିକାରୀ ଶିବ ଶଙ୍କର ମୁର୍ମୁ ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଆଜି ନନ୍ଦାହାଣ୍ଡି ବ୍ଲକ ର ୧୧ ଗୋଟି ପଞ୍ଚାୟତ ର ସମସ୍ତ ଡ୍ରାଇଭର ଯୋଗଦେଇ ଏକ ଶୋଭାଯାତ୍ରାରେ ବ୍ଲକ୍ କାର୍ଯ୍ୟାଳୟ କୁ ଆସିଥିଲେ । ଏଥିରେ ଡ୍ରାଇଭର ମାନଙ୍କ ପାଇଁ ଏକ କାର୍ଯ୍ୟାଳୟର ଆବଶ୍ୟକ ଥିବାରୁ ପଞ୍ଚାୟତ ସମିତି ପରିସର ମଧ୍ୟରେ ଏକ କୋଠରୀ ଯୋଗେଇ ଦେବାକୁ ଅନୁରୋଧ କରିଛନ୍ତି । ଡ୍ରାଇଭର ମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଛନ୍ତି । ଏଥିରେ ସଂଘର ସମ୍ପାଦକ ଈଶ୍ୱର ଗୌଡ଼, ସହ ସମ୍ପାଦକ ଭଗବାନ ବିଷୋୟୀ, କୋଷାଧ୍ୟକ୍ଷ ଦୁର୍ଲଭ ମାଝୀଙ୍କ ସହ ବ୍ଲକ୍ର ସମସ୍ତ ୧୧ ଗୋଟି ପଞ୍ଚାୟତର ସମସ୍ତ ଡ୍ରାଇଭର ଭାଇ ଯୋଗଦେଇଥିଲେ ।
