କଟକ: କଟକ ଜିଲ୍ଲାର ଡମପଡା ବ୍ଲକ ଅନ୍ତର୍ଗତ ଭଗିପୁର ପଞ୍ଚାୟତସ୍ଥ ଗୟଳବାଙ୍କ ଠାରେ ଏକ ଦନ୍ତାହାତୀ ଡମପଡା -ଚନ୍ଦକା ଜଙ୍ଗଲ ପଟୁ ଆସି ଚାଷୀମାନଙ୍କର ପରିବାପତ୍ର ନଷ୍ଟ କରିଥିଲା । ଫଳରେ ଚାଷୀମାନେ ଭୟଭୀତ ହୋଇପଡିଥିଲେ । ହାତୀଟି କଟକ-ବାଙ୍କୀ ମୁଖ୍ୟରାସ୍ତାର ଅନତି ଦୂରରେ ଥିବାରୁ ରାସ୍ତାରେ ଯାଉଥିବା ଯାନବାହନ ରାସ୍ତାର ଉଭୟପଟେ ଅଟକି ରହିଯାଇଥିଲା । ଘଟଣାସ୍ଥଳରେ ଡମପଡା ବନବିଭାଗ ଭଗିପୁର ବିଟ୍ ହାଉସ୍ କର୍ମଚାରୀ ଏବଂ ବାଙ୍କୀ ପୋଲିସ୍ ଘଟଣାସ୍ଥଳରେ ପହଞ୍ଚି ହାତୀଟିକୁ ମହାନଦୀ ଦେଇ ଆଠଗଡ ଶୁକାସନ ଜଙ୍ଗଲପଟକୁ ଛାଡିଥିଲେ । ଫଳରେ ଯାତ୍ରୀମାନେ ଯିବାଆସିବା କରିପାରିଥିଲେ । ରାତି ହେଲେ କଟକ-ବାଙ୍କୀ ରାସ୍ତାରେ ଲୋକମାନେ ଯାତାୟତ କରିବା ପାଇଁ ଭୟଭୀତ ହୋଇପଡୁଛନ୍ତି । ଏଥିପାଇଁ ବନବିଭାଗ କର୍ତ୍ତୃପକ୍ଷ ଦୃଷ୍ଟି ଦେବାପାଇଁ ସ୍ଥାନୀୟ ଜନସାଧାରଣଙ୍କ ତରଫରୁ ଦାବୀ ହୋଇଛି ।
