ନୂଆଗାଁ : ବୌଦ୍ଧ ଜିଲ୍ଲା ବାମଣ୍ଡା ସନ୍ନିକଟରେ ରବିବାର ଦିନ ବାଇକ୍-ବୋଲେରୋ ଧକ୍କାରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି । ମୃତକ ଜଣକ ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ କୋରଡା ଗ୍ରାମର ଚୈତନ୍ୟ ବାଡ଼ତିଆଙ୍କ ପୁତ୍ର ପ୍ରସନ୍ନ ବାଡ଼ତିଆ ବୋଲି ଜଣାପଡିଛି । ବାଇକ୍ ନମ୍ବର ହେଉଛି ଓଡି ୨୫ ସି ୭୦୬୯ । ସେ ମୋଟର ସାଇକେଲ ଚଳାଇ ଆସୁଥିବା ବେଳେ ବାମଣ୍ଡା ସନ୍ନିକଟ ଠାରେ ଦୁର୍ଘଟଣାଗ୍ରସ୍ତ ହୋଇ ଏଭଳି ଘଟଣା ଘଟିଛି । ମୃତ ପ୍ରସନ୍ନ ସୋନପୁର ଜିଲ୍ଲା ମନମୁଣ୍ଡାରେ ଦସ୍ତା କାମ କରି ଗୁଜୁରାଣ ମେଣ୍ଟାଉ ଥିଲେ ।
