ବାଲିଗୁଡ଼ା : ସ୍ଥାନୀୟ ଆଦିବାସୀ ମହାବିଦ୍ୟାଳୟ ପରିସରରେ ଓଡ଼ିଆ ଅଧ୍ୟାପକ ଗୋଷ୍ଠୀ ପକ୍ଷରୁ ଡ଼. ବିଭୂତିଭୂଷଣ ଆଚାର୍ଯ୍ୟଙ୍କ ସଭାପତିତ୍ୱରେ ଏକ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ଅଧ୍ୟକ୍ଷ କାର୍ତ୍ତିକ ଚନ୍ଦ୍ର ସି ମୁଖ୍ୟ ଅତିଥି ଭାବେ ଯୋଗ ଦେଇ ଡ଼. ଡାଙ୍ଗୁଆଙ୍କ ବହୁମୁଖୀ ଜୀବନ ସମ୍ପର୍କରେ ଆଲୋକପାତ କରିଥିଲେ । ଜୀବନଜ୍ୟୋତି ମହାବିଦ୍ୟାଳୟ ରାଇକିଆରେ ଦୀର୍ଘ ଦିନ ଧରି ସେ ଅଧ୍ୟାପନା କରିଥିଲେ । ବ୍ରହ୍ମପୁର ବିଶ୍ୱବିଦ୍ୟାଳୟ ମୂଲ୍ୟାୟନ କେନ୍ଦ୍ରରେ ନିୟୋଜିତ ସମସ୍ତ ଓଡ଼ିଆ ଅଧ୍ୟାପକ ଅଧ୍ୟାପିକାମାନେ ଏଥିରେ ଅଂଶଗ୍ରହଣ କରି ସ୍ମୃତି ଚାରଣ କରିଥିଲେ । ଡ଼. ନଳିନୀକୁମାର ପାଣିଗ୍ରାହୀ, ଅଧ୍ୟକ୍ଷ ଅଶୋକ କୁମାର ପାଣ. ଅଧ୍ୟକ୍ଷ ଡ଼ଃ ବିଶ୍ୱେଶ୍ୱର ଆଚାର୍ଯ୍ୟ, ମନୋରଞ୍ଜନ ବଳିୟାର ସିଂ, ଡ଼. ବିରଞ୍ଚିନାରାୟଣ ସାହୁ , ଅଧ୍ୟାପିକା ସ୍ନେହଲତା ମାଝୀ, ରୋଜାଲିନ୍ ଭୋଇ ଆଦି ସମ୍ବର୍ଦ୍ଧନା ଜଣାଇ ଏକତ୍ର ଭୋଜନ କରିଥିଲେ ।
