ସୁବର୍ଣ୍ଣପୁର: ନାଇକେନପାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ତଥା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ହରଡ଼ଖୋଲ ଓ ଭ୍ରାମ୍ୟମାଣ ଟିମ ସହିତ ସୁବର୍ଣ୍ଣପୁର ସଦର କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟଠାରେ ବିଶ୍ୱ ସ୍ୱାସ୍ଥ୍ୟ ନିୟନ୍ତ୍ରଣ ଦିବସ ପାଳିତ ହୋଇଯାଇଛି । ସ୍ୱାସ୍ଥ୍ୟକେନ୍ଦ୍ରର ଅଧ୍ୟକ୍ଷା ଡା ସଂଗୀତା ଚୌଧୁରୀଙ୍କ ଅଧ୍ୟକ୍ଷତାରେ ପାଳିତ ଏହି ଦିବସରେ ସ୍ୱାସ୍ଥ୍ୟ କେନ୍ଦ୍ରର ଆୟୁଷ ଡାକ୍ତର ସରୋଜ କୁମାର ପଟେଲ, ବ୍ଲକ ପ୍ରୋଗ୍ରାମ ପରିଚାଳକ ପ୍ରିୟ ରଞ୍ଜନ ସାହୁ, ଜନ ସ୍ୱାସ୍ଥ୍ୟ ଅଧିକାରୀ ଶାନ୍ତନୁ ମେହେର, ଫର୍ମାସିଷ୍ଟ ହୃଷିକେଶ ମିଶ୍ର, ଏଏନଏମ ଗୀତାଞ୍ଜଳି ସା ଓ ଶୁଭଲଷ୍ମୀ ବାଗ ଯୋଗଦେଇ ଏକ ସୁସ୍ଥ ସମାଜ ଗଠନ ଦିଗରେ ସଚେତନତା ବାର୍ତ୍ତା ପହଞ୍ଚାଥିଲେ । ଅନୁଷ୍ଠାନର ପ୍ରାଧାନ ଶିକ୍ଷୟିତ୍ରୀ ସରସ୍ୱତୀ ସାହୁ, ହଷ୍ଟେଲ କେୟାର ଟେକର ସୁଚିତ୍ରା ପାଣିଗ୍ରାହୀଙ୍କ ତତ୍ୱାବଧାନରେ ଛାତ୍ରୀମାନେ ନାଚ ଗୀତ ସହ ଅତିଥିଙ୍କୁ ସ୍ୱାଗତ କରି ସ୍ୱାସ୍ଥ୍ୟ ସଚେତନତା ଉପରେ ଚିତ୍ରାଙ୍କନ ଓ ରୋଡ଼ ପ୍ଲେ ପ୍ରଦର୍ଶନ କରି ଅତିଥିଙ୍କ ଦ୍ୱାରା ପୁରସ୍କୃତ ହୋଇଥିଲେ । ଶେଷରେ ଫର୍ମାସିଷ୍ଟ ହୃଶିକେଶ ମିଶ୍ର ହାତ ଧୋଇବାର ସରଳ ଉପାୟ ଉପରେ ଛାତ୍ରୀଙ୍କୁ ସଚେତନ କରି ସ୍ୱାସ୍ଥ୍ୟ ପ୍ରତି ଯତ୍ନବାନ ହୋଇ ରୋଗଠାରୁ ଦୂରେଇ ରହିବା ଉପରେ ବିସ୍ତୃତ ଭାବରେ ବୁଝାଇ ଥିଲେ ।
