ନୂଆପଡ଼ା : ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ କିରିକିଟା ଗ୍ରାମ ପଞ୍ଚାୟତର ଜୁନାପାଣି ଗ୍ରାମର ଜଣେ ବ୍ୟକ୍ତିଙ୍କୁ ଭାଲୁ କାମୁଡି ଦେଇଥିବାରୁ ତାଙ୍କୁ ଗୁରୁତର ଅବସ୍ଥାରେ ଖଡ଼ିଆଳ ଉପଖଣ୍ଡ ଚିକିତ୍ସାକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାରୁ ପ୍ରକାଶ ଯେ ଜୁନାପାଣି ଗାଆଁର ଉଜ୍ଜଳ ମାଝୀ, ବୟସ ୫୬ ବର୍ଷ ଆଜି କିଛି ଲୋକଙ୍କ ସହ ଛେଳି ଚରାଇବାକୁ ନିକଟସ୍ଥ ଜଙ୍ଗଲକୁ ଯାଇଥିବା ବେଳେ ତାଙ୍କୁ ଏକ ଭାଲୁ ଆକ୍ରମଣ କରିଥିଲା । ଉକ୍ତ ଭାଲୁକୁ ସେ ତଳେ ପକାଇ ଦେଇଥିବା ବେଳେ ଆଉ ଏକ ଭାଲୁ ଆସି ତାଙ୍କୁ ଆକ୍ରମଣ କରିଥିଲା ।ସେ ଚିତ୍କାର କରିବାରୁ ଅନ୍ୟ ମାନେ ଆସି ତାଙ୍କୁ ଉଦ୍ଧାର କରିଥିଲେ । ଭାଲୁ ଉଜ୍ଜ୍ୱଳଙ୍କ କପାଳ ଓ ଖପୁରୀର ମାଂସ ଖାଇ ଯାଇଥିବା ବେଳେ ବାମ ହାତକୁ ମଧ୍ୟ ଆଘାତ ଲାଗିଛି । ତାଙ୍କୁ ଉନ୍ନତ ଚିକିତ୍ସା ପାଇଁ ପରିବାର ଲୋକେ ଅନୁରୋଧ କରିଛନ୍ତି ।
