ନୂଆଗାଁ : ସାରା ରାଜ୍ୟରେ ଗ୍ରାମୀଣ ଡାକ ସେବକମାନେ ଆଜି ଆନ୍ଦୋଳନକୁ ଓହ୍ଲାଇଛନ୍ତି । ଏ ନେଇ ଆଜି ନୂଆଗାଁ ବ୍ଲକ ସଦର ମହକୁମାରେ ଥିବା ନୂଆଗାଁ ଉପ ଡାକଘର ପରିସରରେ ଗ୍ରାମୀଣ ଡାକ ସେବକମାନେ ୫ଟି ଦାବୀ ପୂରଣ ନେଇ ଅନର୍ଦ୍ଦିଷ୍ଟ କାଳ ଗଣଧାରଣା ଦେଇଛନ୍ତି । ଦାବୀ ଗୁଡିକ ହେଲା ଗ୍ରାମୀଣ ଡାକ ସେବକଙ୍କ କାର୍ଯ୍ୟ ନିର୍ଘଣ୍ଟ ଦୈନିକ ୮ ଘଣ୍ଟା ସ୍ଥିର କରାଯାଉ, ପ୍ରତି ୧୨ ବର୍ଷରେ ଆର୍ଥିକ ପଦୋନ୍ନତି ଦେବା ସୁପାରିଶକୁ ଶୀଘ୍ର ଲାଗୁ କରାଯାଉ, ସମସ୍ତ ଗ୍ରାମୀଣ ଡାକ ସେବକଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା ପ୍ରଦାନ କରାଯାଉ, ଗ୍ରାମୀଣ ଡାକ ସେବକମାନଙ୍କୁ ପେନସନ ପ୍ରଦାନ ଏବଂ ଗ୍ରାଚ୍ୟୁଇଟି ଓ ସେଭେରାନ୍ସ ଆଲାଉନ୍ସ ପ୍ରଦାନ କରାଯାଉ, ଟାର୍ଗେଟ ନାରେ ଅଧିକାରୀ ମାନଙ୍କ ଜୁଲୁମ୍ ବନ୍ଦ ହେଉ ଆଦି ପ୍ରମୁଖ ଦାବୀ ନେଇ ଧାରଣାରେ ବସିଥିଲେ ।
