ପୁରୀ,: ପୁରୀ- କୋଣାର୍କ ବେଳାଭୂମି ରାସ୍ତା ମୁଦୁଲି ଛକରେ ରବିବାର ସକାଳେ ମହାପ୍ରଭୁଙ୍କ ଦର୍ଶନ ପାଇଁ ଆସିଥିବା ଆନ୍ଧ୍ରପ୍ରଦେଶ ଚିତୋର ଓ ନେଲୋର୍ ଜିଲ୍ଲାର ଶ୍ରଦ୍ଧାଳୁ କୋଣାର୍କରୁ ଅଟୋ ଯୋଗେ ପୁରୀ ଅଭିମୁଖେ ଫେରୁଥିବା ବେଳେ ପୁରୀ-କୋଣାର୍କ ବେଳାମାର୍ଗରେଟ୍ରାଭେରା, ବାଇକ, ଅଟୋ ସିରିଜ ଦୁର୍ଘଟଣା ଘଟିଥିଲା । ଘନଶ୍ୟାମ ହେମଲତା କଲେଜ ନିକଟରେ ବାଇକ ଚକ ଫାଟିଯାଇଥିଲା ।ଟ୍ରାଭେରା ପୁରୀରୁ କୋଣାର୍କ ଅଭିମୁଖେ ଯାତ୍ରା କରୁଥିବାବେଳେ ପୁରୀ ଅଭିମୁଖେ ପେରୁଥିଲେ ଅଟୋ ସହ ବାଇକ । ବେଳାମାର୍ଗରେ ଆସୁଥିବାଟ୍ରାଭେରର ଚକା ଲିକ ହୋଇ ପଡିଥିଲା । ସେହି ସମୟ ଆସୁଥିବା ବାଇକର ମଧ୍ୟ ଲିକ ହୋଇଯାଇଥିଲା । ଲିକ ହେବା ପରେଟ୍ରାଭେରା ଭାରସାମ୍ୟ ହରାଇ ପୁରୀ ଆସୁଥିବା ଅଟୋ ଓ ବାଇକକୁ ମୁହାଁ ମୁହିଁ ଧକ୍କା ହୋଇଥିଲା । ପରେ ସେଠାରେ ଥିବା ସ୍ଥାନୀୟ ଲୋକେ ଦୁର୍ଘଟଣାରେ ଗୁରୁତର ହୋଇଥିବା ବ୍ୟକ୍ତିମାନଙ୍କୁ ପୁରୀ ମୁଖ୍ୟ ଚିକିତ୍ସାଳୟ ପଠାଇ ଦେଇଥିଲେ । ମେଡିକାଲରେ ପହଞ୍ଚିବା ପରେ ଚିକିତ୍ସା କରାଯାଉଥିବା ବେଳେ ଡାକ୍ତର ୨ଜଣଙ୍କୁ ମୃତ ଘୋଷଣା କରିଥିଲେ । ମୃତକ ମହିଳା ହେଉଛନ୍ତି ଆନ୍ଧ୍ରପ୍ରଦେଶ ଚିତୋର ଅଞ୍ଚଳର ୫୦ ବର୍ଷୀୟା ଆମୁଲୁ ଓ ମୃତ ଅଟୋ ଡ୍ରାଇଭର ପୁରୀ ଧୋବାସାହିର ରାଜେଶ । ଦୁଇ ଜଣଙ୍କୁ କଟକ ସ୍ଥାନାନ୍ତର କରାଯାଇଛି । ୧୨ ଜଣ ଗୁରୁତର ସଦର ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି ।
