ପାଟଣାଗଡ଼ : ପାଟଣାଗଡ଼ ନିର୍ବାଚନ ମଣ୍ଡଳୀର ପାଟଣାଗଡ଼, ଖପ୍ରାଖୋଲ, ବେଳପଡା ଆଦି ତିନି ବ୍ଳକର ବ୍ଲକ ଉପାଧ୍ୟକ୍ଷ ନିର୍ବାଚିତ ହୋଇଯାଇଛି । ପାଟଣାଗଡ଼ ବ୍ଲକର ବିଜେଡି ସମର୍ଥିତ ଉପାଧ୍ୟକ୍ଷା ଲକ୍ଷ୍ମୀ ମାଝୀ ନିର୍ଦ୍ଦ୍ୱନ୍ଦରେ ଭାବରେ ନିର୍ବାଚିତ ହୋଇଛନ୍ତି । ଆଜି ପାଟଣାଗଡ଼ ବିଧାୟକ ସରୋଜ କୁମାର ମେହେରଙ୍କ ସହ ବିଧାୟକ ପ୍ରତିନିଧି ହୀମାଞ୍ଚଳ ପ୍ରଧାନ ଓ ଦଳୀୟ କର୍ମୀମାନଙ୍କ ସହ ବ୍ଲକ କାର୍ଯ୍ୟାଳୟରେ ପହଞ୍ଚି ପ୍ରାର୍ଥୀ ପତ୍ର ଦାଖଲ କରିଥିଲେ । ପାଟଣାଗଡ଼ ବ୍ଲକ ଅଧ୍ୟକ୍ଷ ନୀଳକାନ୍ତ ବାଗ ଉପସ୍ଥିତ ଥିଲେ । ସେହିପରି ଖପ୍ରାଖୋଲ ବ୍ଳକରେ ମଧ୍ୟ ବିଜେଡି ସମର୍ଥିତ ଶୁଖିରାମ ଷାଣ୍ଢ ବ୍ଲକ ଉପାଧ୍ୟକ୍ଷ ନିର୍ଦ୍ଦ୍ୱନ୍ଦ ଭାବରେ ନିର୍ବାଚିତ ହୋଇଥିବା ବେଳେ ବେଲପଡା ବ୍ଳକ ଉପାଧ୍ୟକ୍ଷ ଭାବେ ଦୁର୍ଯ୍ୟୋଧନ କୁମ୍ଭାର ନିର୍ବାଚିତ ହୋଇଛନ୍ତି ।
