ଖପ୍ରାଖୋଲ : ଖପ୍ରାଖୋଲ ବ୍ଲକ ବାଘମୁଣ୍ଡ ପଞ୍ଚାୟତ ନାଗେନମାଲ ଗାଁରେ ବେଆଇନ ଭାବେ ମହୁଲ ଚାଲାଣ ବେଳେ ଅବକାରୀ ବିଭାଗ ଚଢ଼ାଉ କରି ମହୁଲ ବୋଝଇ ବୋଲେରୋ ପିକଅପ ସହ ଦୁଇ ଅଭିଯୁକ୍ତକୁ ଶୁକ୍ରବାର ଗିରଫ କରିଥିବା ଜଣାଯାଇଛି । ସୂଚନା ଅନୁସାରେ ବେଆଇନ ମହୁଲ ଫୁଲ ଚାଲାଣ ହେଉଥିବା ଅବକାରୀ ବିଭାଗ ସୂଚନା ପାଇ ଚଢ଼ାଉ କରିଥିଲେ । ଏହି ଅବସରରେ ଚାଲାଣ ହେଉଥିବା ବୋଲେରୋ ପିକଅପ ନମ୍ବର (ଓଡି ୧୭ ଏଚ ୯୮୮୬ ) ସହ ୧୫ କ୍ୱିଣ୍ଟାଲ ମହୁଲ ଜବତ କରିଥିବା ବେଳେ ଚାଲାଣ କରୁଥିବା ଅଭିଯୋଗରେ ବରଗଡ଼ ଜିଲ୍ଲା ବୁଡେନ ଥାନା ଅଧୀନ ନରେନ୍ଦ୍ରପୁର ଗ୍ରାମର ଅଭି ରଣା ଓ ଦହିତା ଗ୍ରାମର ନରେନ୍ଦ୍ର ମେହେରକୁ ଗିରଫ କରାଯାଇଥିବା ପାଟଣାଗଡ ଅବକାରୀ ଥାନା ଅଧିକାରୀ ସତ୍ୟନାରାୟଣ ଦାସ ପ୍ରକାଶ କରିଛନ୍ତି । ଚଢାଉ ସମୟରେ ପାଟଣାଗଡ କଣ୍ଟାବାଞ୍ଜି ଓ ଟିଟିଲାଗଡ ଅବକାରୀ ବିଭାଗ ଅଧିକାରୀ, କର୍ମଚାରୀ ସାମିଲ ଥିଲେ । ଏନେଇ ପାଟଣାଗଡ ଅବକାରୀ ଥାନା ପି.ଆର କେସ ନ ୯୪/୨୨ ରେ ଏକ ମାମଲା ରୁଜୁ କରି ତଦନ୍ତ ଚାଲିଥିବା ଜଣାଯାଇଛି ।
