ଟିକାବାଲି: ଚକାପାଦ ଥାନା ଅନ୍ତର୍ଗତ ଚକାପାଦ ଷ୍ଟେଟ ବ୍ୟାଙ୍କ ପିଅନ ପୃଥ୍ୱୀରାଜ ବେହେରା (୫୫)ଙ୍କ ସ୍ଥାନୀୟ ବୃତ୍ତଙ୍ଗ ନଦୀରେ ବୁଡି ମୃତ୍ୟୁ ହୋଇଥିବା ଜଣାପଡିଛି । ସୂଚନା ଅନୁଯାୟୀ କାଲି ସନ୍ଧ୍ୟାରେ ସ୍ୱର୍ଗତ ବେହେରା ନଦୀ ଆଡେ ଯାଇଥିଲେ କିନ୍ତୁ ସେ ବିଳମ୍ବିତ ରାତ୍ର ପର୍ଯ୍ୟନ୍ତ ଆଉ ଫେରିନ ଥିଲେ । ଆଜି ସକାଳେ ଗାଁ ଲୋକେ ଚକାପାଦ ନିକଟ ବୃତଙ୍ଗ ବ୍ରିଜ଼ରେ ଶବ ଭାସମାନ ଅବସ୍ଥାରେ ଲାଖି ଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଚକାପାଦ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ଫୁଲବାଣୀ ପଠାଇ ଶବ ସତ୍କାର ପାଇଁ ନିଜ ପରିବାରକୁ ଶବ ହସ୍ତାନ୍ତର କରି ୫/୨୨ ରେ ଏକ ଅପମୃତ ମାମଲା ରୁଜୁକରି ଘଟଣାର ତଦନ୍ତ ଚଳାଇଥିବା ଚକାପାଦ ଥାନା ଅଧିକାରୀ ତପନ କୁମାର ନାହାକ ସୂଚନା ଦେଇଛନ୍ତି ।
