ବୌଦ୍ଧ : ବୌଦ୍ଧ ଜିଲ୍ଲାର ପୂର୍ବତନ ସୈନିକ ସଂଘର ଜଣେ ଆଜୀବନ ସଦସ୍ୟ ଅବସରପ୍ରାପ୍ତ ସୈନିକ ତଥା ମୁଣ୍ଡାପଡାର ଅବସରପ୍ରାପ୍ତ ପଶୁ ଚିକିତ୍ସକ ବୁଲାଲୁ ସାହୁଙ୍କ ଗତକାଲି ପରଲୋକ ହୋଇଯାଇଛି । ସେ ଗତ ଚାରିବର୍ଷ ଧରି ପାରାଲିସିସ୍ ରୋଗରେ ପୀଡିତ ଥିଲେ । ଗତକାଲି ଅପରାହ୍ନ ୨ଟା ସମୟରେ ତାଙ୍କର ଦେହାନ୍ତ ହୋଇଯାଇଥିଲା । ତାଙ୍କର ପରଲୋକ ଖବର ପାଇଁ ଜିଲ୍ଲା ପୂର୍ବତନ ସୈନିକ ସଂଘର କର୍ମକର୍ତ୍ତା ପ୍ରମୋଦ ମହାକୁଡ, ରଂଜିତ ଅମାତ ଓ ରାଜିବ ପଣ୍ଡା ପ୍ରମୁଖ ତାଙ୍କ ଅନ୍ତେଷ୍ଟିକ୍ରିୟାରେ ଉପସ୍ଥିତ ରହି ଶବ ଉପରେ ଜାତୀୟ ପତାକା ସହ ଫୁଲମାଲ, ଚନ୍ଦନ ଦେଇ ରାଷ୍ଟ୍ରୀୟ ସମ୍ମାନ ଦେଇଥିଲେ । ସଂଘ ପକ୍ଷରୁ ତାଙ୍କର ଅମର ଆତ୍ମାର ସଦଗତି କାମନା କରାଯିବା ସହ ଶେଷ ସଲାମ ପ୍ରଦାନ କରି ଅନ୍ତିମ ବିଦାୟ ଦିଆଯାଇଥିଲା ।
