କଟକ: ଆଜି ଅପରାହ୍ନରେ ହୋଟେଲ ବ୍ଲୁ ଲାଗୁନରେ ମୋକିମ ଫାଉଣ୍ଡେସନ ପକ୍ଷରୁ ଫାଉଣ୍ଡେସନ ଟ୍ରଷ୍ଟି ସୋଫିୟା ଫିର୍ଦୋଷଙ୍କ ପୌରହିତ୍ୟରେ ଆଗାମୀ ତିନି ଦିନି ଧରି ହେବାକୁ ଥିବା ମେଗା ସୋର୍ଟ୍ସ କ୍ରାନିଭାଲ-୨୦୨୩ ପାଇଁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲେ । ନଭେମ୍ବର ମାସ ୨୪, ୨୫ ଓ ୨୬ ତାରିଖରେ ଏହି ମେଗା ସୋର୍ଟ୍ସ କ୍ରାନିଭାଲ-୨୦୨୩ କଟକ ଜବାହରଲାଲ ନେହରୁ ଇଣ୍ଡୋର ଷ୍ଟାଡିୟମ ଠାରେ ଚାଲିବ । ଚେସ, ଟାଇକୋଣ୍ଡୋ, ବ୍ୟାଡମିଣ୍ଟନ ଓ ଯୋଗ ବିଭାଗରେ ପ୍ରାୟ ଏକ ହଜାରରୁ ଊଦ୍ଧ୍ୱର୍ ପିଲା ଅଂଶ ଗ୍ରହଣ କରିବେ । କଟକର ଭେଟେରାନ ଖେଳାଳି ଯେଉଁମାନେ ଜାତୀୟ ଓ ରାଜ୍ୟ ସ୍ତରରେ ରାଜ୍ୟ ଓ କଟକର ନାଁ ଆଗକୁ ନେଇ ଗର୍ବିତ କରାଇଛନ୍ତି ସେମାନଙ୍କୁ ଫାଉଣ୍ଡେସନ ପକ୍ଷରୁ ସମ୍ମାନିତ କରାଯିବା ସହିତ ଏକ ଲାଇଫ ଟାଇମ ଆୱାର୍ଡ ପୁରସ୍କାର ଦେବାପାଇଁ ଫାଉଣ୍ଡେସନ ପକ୍ଷରୁ ସ୍ଥିର କରାଯାଇଛି ବୋଲି ସୋଫିୟା ଫିର୍ଦ୍ଦୋଷ ଏହି ସାମ୍ବାଦିକ ସମ୍ମିଳନୀରେ କହିଥିଲେ । ଫାଉଣ୍ଡେସନର ଅନ୍ୟତମ ଟ୍ରଷ୍ଟି ଯୁବ ସମାଜସେବୀ ମହମ୍ମଦ ଆଲିମ ଉଦଯାପନ ଦିବସ ଦିନ ଓଲିଉଡ ଓ ବଲିଉଡ ଜଗତର କଳାକାରମାନେ ଯୋଗଦେବା ସହିତ କଟକ ସହର ସମସ୍ତ ନାଗରିକମାନଙ୍କୁ ଏହି ମେଗା ସ୍ପୋର୍ଟ୍ସ କ୍ରାନିଭାଲରେ ଯୋଗଦେଇ ପିଲାମାନକୁ ଉତ୍ସାହିତ କରିବାକୁ ଅନୁରୋଧ କରିବା ସହିତ ଉପସ୍ଥିତ ସମସ୍ତ ସାମ୍ବାଦିକ ବନ୍ଧୁମାନଙ୍କୁ ଧନ୍ୟବାଦ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସୋର୍ଟ୍ସ ବିଭାଗର ମୁଖ୍ୟ ସୁଦୀପ୍ତା ନନ୍ଦ, ଭେଟେରାନ ବିଭାଗର ମୁଖ୍ୟ ଶୟଦ ଜବିଉଲ୍ଲା, ମହମ୍ମଦ ଗୁଲଫମ ପ୍ରମୁଖ ଏହି ସମ୍ବାଦିକ ସମ୍ମିଳନୀରେ ଉପସ୍ଥିତ ଥିଲେ ।
