ଦଶପଲ୍ଲା : ପୌର ନିର୍ବାଚନ ପାଇଁ ମତଦାନ ଜାରି ରହିଛି । ଦଶପଲ୍ଲା ଏନଏସିର ୧୬ ଟି ୱାର୍ଡରେ ସକାଳ ୮ ଟାରୁ ଆରମ୍ଭ ହୋଇଯାଇଛି ଭୋଟ୍ ଦାନ । ଏହି ୧୬ ଟି ୱାର୍ଡ ରେ ପାରିଷଦ ଭାବେ ନିର୍ବାଚନ ମୈଦାନ ରେ ୪୪ ଜଣ ଓ ଅଧକ୍ଷା ଭାବେ ୩ ଜଣ ନିର୍ବାଚନ ମୈଦାନ ରେ ଅବତୀର୍ଥ ହୋଇଥିବା ବେଳେ ପାରିଷଦ ଓ ଅଧ୍ୟକ୍ଷା ପାଇଁ ଦଶପଲ୍ଲା ଏନ ଏ ସି ରେ ୧୫୨୯୪ ଜଣ ଭୋଟର ସେମାନଙ୍କ ମତଦାନ କରିବେ । ଏଥି ମଧ୍ୟରେ ୭୯୧୧ ମହିଳା ଓ ୭୩୮୩ ଜଣ ପୁରୁଷ ଥିବା ଜଣାପଡିଛି । ଭୋଟ ପାଇଁ ପ୍ରଶାସନ ପକ୍ଷରୁ ୧୬ ଟି ୱାର୍ଡ ରେ ୨୧ ଟି ମତଦାନ କେନ୍ଦ୍ର କରାଯାଇଛି । ମାତ୍ର ଚଳିତ ନିର୍ବାଚନରେ ବହୁ ଭୋଟର ସେମାନଙ୍କର ମତଦାନରୁ ବଂଚିତ ହେବେ । ଭୋଟର ତାଲିକା ଠିକରେ ସଂଶୋଧନ ହୋଇ ନଥିବାରୁ ବହୁ ଭୋଟରଙ୍କ ନାମ ସେମାନଙ୍କ ନିଜ ୱାର୍ଡରେ ନଥିବା ବେଳେ ସେମାନଙ୍କ ନାମ କେଉଁ ୱାର୍ଡରେ ରହିଛି ତାହା ଜାଣିପାରୁନାହାନ୍ତି । ସେମାନେ କେଉଁ କେନ୍ଦ୍ରରେ ଭୋଟ ଦେବେ ତାହା ଜାଣି ପାରି ନାହାନ୍ତି ,ଫଳରେ ବହୁ ଭୋଟର ଭୋଟ୍ ଦାନରୁ ବଂଚିତ ହେବାର ସଂଭାବନା ରହିଛି । ଆଜି ଅପରାହ୍ନ ୩ ଘଟିକା ସୁଦ୍ଧା ୫୫ ମତଦାନ ହୋଇଥିବା ଆକଳନ କରାଯାଉଛି ।
