ବୌଦ୍ଧ,୧୩/୩- ଆଜି ସକାଳେ ପୁରୁଣା କଟକ ରେଞ୍ଜ ଅନ୍ତର୍ଗତ ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲରୁ ୪ ଜଣ ସନ୍ଦିଗ୍ଧ ବ୍ୟକ୍ତିଙ୍କୁ ବନ ବିଭାଗ ଗିରଫ କରିଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଛତ୍ରଙ୍ଗ ଗ୍ରାମ ପଞ୍ଚାୟତ ଅନ୍ତର୍ଗତ ଧୁଙ୍ଗିଆ ମୁଣ୍ଡା ଗ୍ରାମର ଉମାକାନ୍ତ ମାଲିକ (40), ବନ୍ଧୁ ବେହେରା (50), କୃଷ୍ଣଚନ୍ଦ୍ର ଦୀପ (58) ଓ ପ୍ରଶାନ୍ତ ମଲ୍ଲିକ (40) ଆଜି ସକାଳେ ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲରେ ବୁଲୁଥିବା ବେଳେ ବନ ବିଭାଗର କର୍ମଚାରୀ ମାନେ ଦେଖିବାକୁ ପାଇଥିଲେ l ସେମାନଙ୍କ ନିକଟରୁ ୨ ଗୋଟି ଟାଂଗିଆ ଓ ଦୁଇଟି ଦିଆସିଲି ପୁଡା ଜବତ୍ ମଧ୍ୟ କରାଯାଇଥିଲା | ଆଜି ଏମାନଙ୍କୁ ଗିରଫ କରି ପୁରୁଣାକଟକ ରେଞ୍ଜ କାର୍ଯ୍ୟାଳୟକୁ ଆଣିବା ପରେ ବୌଦ୍ଧ ବନଖଣ୍ଡ ଅଧିକାରୀ ଯଶୋବନ୍ତ ସେଠୀ ସେଠାରେ ପହଂଚି ଗଣମାଧ୍ୟମକୁ ସୂଚନା ଦେଇଛନ୍ତି l
