ବୌଦ୍ଧ,୧୬/୩ – ଆଜି ବୌଦ୍ଧ ବ୍ଲକ କାର୍ଯ୍ୟାଳୟରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବରେ ଗୋଷ୍ଠୀ ଉନ୍ନୟନ ଅଧିକାରୀ ଦେବୀ ପ୍ରସାଦ ଦାସ ଏବଂ ସମ୍ମାନିତ ଅତିଥି ଭାବରେ ସହକାରୀ ଗୋଷ୍ଠୀ ଉନ୍ନୟନ ଅଧିକାରୀ ପ୍ରମୋଦ କୁମାର ମିଶ୍ର, ସିଡିପିଓ ମିନତୀ ଦେଓ, ଡି. ଏସ. ଏସ. ଓ. ଭୋଳାନାଥ ନାୟକ ଓ ଏସ. ଏସ. ଏସ. ଓ. ନରେଶ ଚନ୍ଦ୍ର ସ୍ୱାଇଁ ଯୋଗ ଦେଇଥିଲ ଏବଂ ଏହି କାର୍ଯ୍ୟକୁ ଭାରପ୍ରାପ୍ତ ବି. ଏସ. ଏସ. ଓ. ସାନନ୍ଦ ସାହୁ ପରିଚାଳନା କରିଥିଲେ | ଆଜିର ଏହି ସାମର୍ଥ୍ୟ ଶିବିରରେ ମୋଟ 583 ଜଣ ପ୍ରାଥୀ ଅଂଶଗ୍ରହଣ କରିଥିଲେ | ଏଥିମଧ୍ୟରୁ 82 ଜଣ ଶାରୀରିକ ଭିନ୍ନକ୍ଷମ, 56 ଜଣ ଦୃଷ୍ଟିବାଧିତ, 63 ଜଣ ଶ୍ରବଣବାଧିତ,37 ଜଣ ମାନସିକ ଅନଗ୍ରସର ଏବଂ 345 ଜଣ ଅନ୍ୟାନ୍ୟ କାର୍ଯ୍ୟରେ ପଞ୍ଜିକରଣ କରିଥିଲେ, ସେଥିମଧ୍ୟରୁ 31 ଜଣଙ୍କୁ ତିନି ଚକିଆ ସାଇକେଲ, 5 ଜଣକୁ ହୁଇଲ ଚେୟାର, 06 ଜଣଙ୍କୁ ଶ୍ରବଣ ଯନ୍ତ୍ର, 02 ଜଣଙ୍କୁ କୃଚେଶ୍ ଏବଂ 5ଜଣଙ୍କୁ ପରିଚୟ ପତ୍ର ପ୍ରଦାନ କରାଯାଇଅଛି l ଶେଷରେ ସାନନ୍ଦ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
