ବୌଦ୍ଧ – ଜିଲ୍ଲାରେ ବର୍ଷାଦିନେ ଗମନା ଗମନ ପୁରାପୁରି ଠପ୍ ହୋଇ ଯାଉଛି । କେତୋଟି ମୁଖ୍ୟ ସଡକକୁ ବାଦ ଦେଲେ ଅନ୍ୟ ସମସ୍ତ ରାସ୍ତା ଅବସ୍ଥା ଦୟନୀୟ । ଅନେକ ଗାଆଁକୁ ଆମ୍ବୁଲାନ୍ସ ମଧ୍ୟ ପହଂଚି ପାରୁ ନଥିବା ଯୋଗୁଁ ରୋଗୀ ମାନେ ଖଟିଆରେ ବୁହା ହେଉଛନ୍ତି ।
ଏ ହେଉଛି କଣ୍ଟାମାଳ ବ୍ଲକ୍ ବିଲାସପୁର ଗ୍ରାମ ପଂଚାୟତ ଅନ୍ତର୍ଗତ ଟିଲାଟିଙ୍ଗା ଗ୍ରାମ ରାସ୍ତାର ଦଶ୍ୟ । ମେଗା ପାନୀୟ ଜଳ ଯୋଗାଣ ପ୍ରକଳ୍ପ ର ପାଇପ ପୋତା କାମ କରୁଥିବା ଠିକା ସଂସ୍ଥା ଜେସିବି ସାହାଯ୍ୟରେ ଗାତ ଖୋଳି ଭଲ ଭାବରେ ନ ପୋତି ଅଧାପନ୍ତରିଆ ଅବସ୍ଥାରେ କାମ କରୁଥିବାରୁ ଏପରି ଅବସ୍ଥା ସୃଷ୍ଟି ହେଉଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ରାସ୍ତାରେ ଚଳ ପ୍ରଚଳ କରିବା ଦୁର୍ବିସହ ହୋଇ ପଡିଛି । କୌଣସି ନିତ୍ୟ ବ୍ୟବହାର୍ଯ୍ୟ ଅତ୍ୟାବଶ୍ୟକ ସାମଗ୍ରୀର କ୍ରୟ ପାଇଁ ପ୍ରାୟ ୧ କିଲୋମିଟର୍ ରାସ୍ତା ଯିବା କଷ୍ଟସାଧ୍ୟ ହୋଇ ପଡିଛି ।
କେବଳ ଏହି ଗ୍ରାମ ରାସ୍ତାର ଅବସ୍ଥା ଏଭଳି ନୁହେଁ ଜିଲ୍ଲାର ଶହ ଶହ ଗ୍ରାମର ରାସ୍ତାକୁ ଉକ୍ତ ଠିକା ସଂସ୍ଥା ଖୋଳି ତାଡି ନଷ୍ଟ କରୁଥିବା ଅଭିଯୋଗ ହୁଏ ।
