ବୌଦ୍ଧ,୨୦/୮- ବୌଦ୍ଧ ସହର ବାବୁସାହି ନିବାସୀ ଅବସରପ୍ରାପ୍ତ କୃତ୍ତି ଶିକ୍ଷକ ଶିବ ନାରାୟଣ ଦାସ ଆଜି ପ୍ରତ୍ୟୁଷରୁ ହୃଦଘାତରେ ପରଲୋକ ହୋଇ ଯାଇଛନ୍ତି l ଏ ଖବର ଶୁଣିବା ପରେ ବୌଦ୍ଧ ଡାକ୍ତରଖାନାରେ ତାଙ୍କର ବନ୍ଧୁ, ଶୁଭେଚ୍ଛୁ ଓ ପରିଚିତ ମାନେ ଶେଷ ଦର୍ଶନ କରିଥିଲେ | ଗତକାଲି ହଠାତ୍ ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାର ଭର୍ତ୍ତି କରାଯାଇଥିଲା | ସ୍ବର୍ଗତ ଦାସ ମାଳିସାହି ପ୍ରାଥମିକ ବିଦ୍ୟାଳୟରୁ ପ୍ରଧାନ ଶିକ୍ଷକ ଥିବା ବେଳେ କୃତ୍ତି ଶିକ୍ଷକ ଭାବରେ ରାଜ୍ୟପାଳ ପୁରସ୍କାର ପାଇଥିଲେ l କେବଳ ଶିକ୍ଷାଦାନ ନୁହେଁ କ୍ରୀଡା ପ୍ରତି ତାଙ୍କର ଅହେତୁକ ଦୁର୍ବଳତା ଥିଲା | ତାଂକର ପ୍ରେରଣାରେ ବୌଦ୍ଧ ଜିଲ୍ଲାର ଅନେକ ସନ୍ତରଣକାରୀ ରାଜ୍ୟ ତଥା ଜାତୀୟ ସ୍ତରରେ କୃତିତ୍ୱ ହାସଲ କରିଛନ୍ତି | ପରିଣତ ବୟସରେ ପଦାର୍ପଣ କଲା ପରେ ମଧ୍ୟ ସେ ନିଜେ ବିଭିନ୍ନ ଜାତୀୟ ସନ୍ତରଣ ପ୍ରତିଯୋଗିତାରେ ଅଂଶଗ୍ରହଣ କରି ପୁରସ୍କୃତ ହୋଇଥିଲେ l ସେ ଜଣେ ଶିଳ୍ପୀ ଭାବେ ସୁକ୍ଷ୍ମ ଶିଳ୍ପ କଳାର ସୃଷ୍ଟି କରିଥିଲେ | ତାଙ୍କପରି ଏକାଧାରରେ ଜଣେ କୃତ୍ତି ଶିକ୍ଷକ, କ୍ରୀଡ଼ାବିତ, କବି ଓ ଶିଳ୍ପୀଙ୍କୁ ବୌଦ୍ଧ ମାଟି ହରାଇ ଥିବାରୁ ଆଜି ସମସ୍ତେ ଶୋକାଭିଭୂତ ହୋଇ ପଡିଛନ୍ତି l ହୀରାଞ୍ଚଳ ପରିବାର ତରଫରୁ ଶୋକ ପ୍ରକାଶ କରାଯାଇ ଅମର ଆତ୍ମାର ସଦଗତି କାମନା କରାଯାଇଛି |
