ବୌଦ୍ଧ,୨୪/୩- ପୁରୁଣାକଟକ ଥାନା ୫୭ ନଂ ଜାତୀୟ ରାଜପଥର ରାଣିଗଞ୍ଜ ଠାରେ ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ଦୁଇ ଜଣଙ୍କ ମ୍ରୁତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିବା ଜଣା ପଡିଛି । ମିଳିଥିବା ସୂଚନା ଅନୁଯାୟୀ ଆଜି ଅପରାନ୍ହ ପ୍ରାୟ ୨ ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57ର ରାଣୀଗଂଜ ନିକଟରେ ଦୁଇଟି ବାଇକ ମଧ୍ୟରେ ମୁହାମୁହିଁ ଧକ୍କା ହୋଇଥିଲା | ଗୋଟିଏ ବାଇକରେ ଆରୋହୀ ଥିବା ବାରିଙ୍ଗର ବ୍ରାଂଚ ପୋଷ୍ଟମାଷ୍ଟର ବିଶ୍ଵନାଥ ସାହୁ ଓ ମାଧପୁରର ବ୍ରାଂଚ ପୋଷ୍ଟ ମାଷ୍ଟର ବିରଞ୍ଚି ସାହୁଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣା ପଡିଛି l ଅନ୍ୟ ଜଣେ ଗୁରୁତରଙ୍କ କୌଣସି ପରିଚୟ ମିଳିପାରିନାହିଁ l ଆଡେନିଗଡ ଫାଣ୍ଡି ଓ ପୁରୁଣାକଟକ ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ଜଣାପଡିଛି l
