ଦଶପଲ୍ଲା,୧୪/୫- ନୟାଗଡ ଜିଲ୍ଲା ଦଶପଲ୍ଲା ବ୍ଲକ୍ ଅନ୍ତର୍ଗତ, ବାଣିଗୋଛା ଓ କାମିଟି ପଂଗା ମଧ୍ୟସ୍ଥଳରେ ଘଟିଛି ଏକ ସଡକ ଦୁର୍ଘଟଣା । ସୂଚନା ଅନୁସାରେ, କୁଜାମେଣ୍ଢି ଗ୍ରାମ ଫଚାୟତ ଅନ୍ତର୍ଗତ ସରୁପଡା ଗ୍ରାମର ଶିକ୍ଷକ ବିପ୍ର ଚରଣ ଜାନୀ ଓ ବାଣିଗୋଛା ଥାନାର ଗ୍ରାମରକ୍ଷୀ ପଦ୍ମଚରଣ ନାୟକଙ୍କ ମଧ୍ୟରେ ମୋଟର ସାଇକେଲ ସାମ୍ନାସାମ୍ନି ଧକ୍କା ହେବାଯୋଗୁଁ , ଦୁଇ ବାଇକ୍ ଆରୋହୀ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ସ୍ଥାନୀୟ ଲୋକମାନେ 108 ଆମ୍ବୁଲାନ୍ସ ଯୋଗେ ପ୍ରଥମେ ବାଣିଗୋଛା ମେଡିକାଲ , ପରେ ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇଥିଲେ । ଶିକ୍ଷକ ବିପ୍ର ଚରଣ ଜାନୀଙ୍କର ସ୍ବାସ୍ଥ୍ୟ ଗୁରୁତର ହେବାରୁ, ତାଙ୍କୁ ମୁଖ୍ୟ ଚିକିତ୍ସାଳୟ ନୟାଗଡ଼କୁ ସ୍ଥାନାନ୍ତରିତ କରାଯାଇଛି । ଏହି ସ୍ଥାନରେ ବାରମ୍ବାର ସଡକ ଦୁର୍ଘଟଣା ଘଟି ବହୁ ଧନ ଜୀବନ ହାନି ଘଟୁଥିବାବେଳେ , ପ୍ରଶାସନ ଏହି ସ୍ଥାନକୁ ଆକ୍ସିଡେଣ୍ଟ ଜୋନ୍ ଘୋଷଣା କରିବାକୁ ସର୍ବ ସାଧାରଣରେ ଦାବୀ ହେଉଛି ।
