ବୌଦ୍ଧ,୧୯/୩ – ଆଜି ସକାଳ ପ୍ରାୟ 11 ଘଣ୍ଟା ସମୟରେ ଜାତୀୟ ରାଜପଥ ନମ୍ବର 57ର ହରେକୃଷ୍ଣପୁର ଛକ ନିକଟରେ ଗୋଟିଏ ଟ୍ରକ ସହ ସ୍କୁଟିର ଧକ୍କା ହେବା ଫଳରେ ସ୍କୁଟି ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଆଜି ସକାଳ ପ୍ରାୟ 11 ଘଣ୍ଟା ସମୟରେ ହରଭଙ୍ଗା ବ୍ଲକ ରାମ୍ଭିକଟା ବ୍ରାଞ୍ଚ ପୋଷ୍ଟ ମାଷ୍ଟର୍ ବନୀତା ମଲ୍ଲିକ ଏକ ସ୍କୁଟି ଓଡ଼ି 27 ବି 7879 ଯୋଗେ ନିଜ ଘର ଲୁଣିବାହାଲରୁ ରାମ୍ଭିକଟା ଆସୁଥିବା ବେଳେ ସମାନ ଦିଗରୁ ଆସୁଥିବା ଏକ ଟ୍ରକ ଜାତୀୟ ରାଜପଥ ନମ୍ବର 57ର ହରେକୃଷ୍ଣପୁର୍ ଛକ ନିକଟରେ ଧକ୍କା ଦେଇଥିଲା l ଫଳରେ ସ୍କୁଟି ଆରୋହୀ ଗୁରୁତର ଆହତ ହୋଇଥିଲେ | କିଛି ଦୂର ଯାଇ ଟ୍ରକ୍ ଅଟକିଥିଲା l ଉତ୍ୟକ୍ତ ଲୋକେ ଟ୍ରକ ଡ୍ରାଇଭରଙ୍କୁ ଆକ୍ରମଣ କରିଥିବା ସୁଚନା ମିଳିଛି l ସ୍ଥାନୀୟ ଲୋକେ ଗୁରୁତର ସ୍କୁଟି ଆରୋହୀଙ୍କୁ ଉଦ୍ଧାର କରି 108 ଆମ୍ବୁଲାନସ୍ ଯୋଗେ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇଥିଲେ l
