ବୌଦ୍ଧ,୩/୪- ଗତକାଲି ସନ୍ଧ୍ୟାରେ କଣ୍ଟାମାଳ ରେଞ୍ଜ ବରଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ସୌରୀବେଙ୍ଗେସ ଗ୍ରାମ୍ୟ ଜଙ୍ଗଲରେ ନିଆଁ ଲାଗିଥିବା ଦେଖିବାକୁ ମିଳିଥିଲା l ଗ୍ରାମର ସ୍ୱେଚ୍ଛାସେବୀ ମନଧର କର୍ମୀ ଏ ସମ୍ପର୍କରେ ତୁରନ୍ତ ଫୋନ୍ ଯୋଗେ ବରଗାଁ ବିଟ୍ ର ଫରେଷ୍ଟ ଗାର୍ଡଙ୍କୁ ସୁଚନା ଦେଇଥିଲେ | ଫରେଷ୍ଟ ଗାର୍ଡ ଭକ୍ତ ଚରଣ ଭୋଇ କର୍ମଚାରୀଙ୍କୁ ଧରି ରାତି 9 ଘଣ୍ଟା ସମୟରେ ପହଂଚିବା ପରେ ଗ୍ରାମର ସ୍ୱେଚ୍ଛାସେବୀ ମନଧର କର୍ମୀ, ରୁପଲାଲ୍ ଭୋଇ ଓ ରାଜ କିଶୋର କର୍ମୀଙ୍କ ସହାୟତାରେ ମଧ୍ୟ ରାତ୍ରୀ ଯାଏଁ ପରିଶ୍ରମ କରି ନିଆଁକୁ ଆୟତ୍ତ କରିଥିଲେ | ସ୍ୱେଚ୍ଛାସେବୀଙ୍କ ଏଭଳି ମହତ କାର୍ଯ୍ୟକୁ ଜନସାଧାରଣ ରେ ପ୍ରଶଂସା କରିଛନ୍ତି | ସେମାନଙ୍କ ସୁଚନା ଯୋଗୁଁ ଅନେକ ବୃକ୍ଷଲତା ଓ ଜଂଗଲ ବନ୍ୟପ୍ରାଣୀ ବର୍ତ୍ତିଗଲେ ବୋଲି ଆଲୋଚନା ହେଉଛି |
