ସୋନପୁର: ସୁବର୍ଣ୍ଣପୁର ଜ଼ିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଏସ ପତ୍ରାପାଲି ପଞ୍ଚାୟତର ଗିନ୍ଦୀଲାମାଲ ଗ୍ରାମଠାରେ ଜ଼ିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଆୟେସା ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଏନଏଫଆଇ ଓଡିଶା ମୁଖ୍ୟ ସମୀର ମଲ୍ଲିକ ଅଂଚଳକୁ କ୍ଷେତ୍ରପରିଦର୍ଶନରେ ଯାଇ ଗ୍ରାମବାସୀଙ୍କ ସହ ପ୍ରତ୍ୟକ୍ଷ ଆଲୋଚନା କରିଥିଲେ । ଗ୍ରାମର ଶିକ୍ଷା, ସ୍ୱାସ୍ଥ୍ୟ, ରାସ୍ତା ଘାଟ, ବିଜୁଳି ଆଦି ଅନେକ ସମସ୍ୟା ଗୁଡିକର କିଭଳି ସମାଧାନ ହେବ । ସେ ଉପରେ ଆଲୋଚନା କରି ଲୋକଙ୍କୁ ସଚେତନ କରିଥିଲେ । ପାରିବାରିକ, ସାମାଜିକ ଓ ଆର୍ଥିକ ବିକାଶ ସହ ଅନେକ ସମସ୍ୟା ଉପରେ ଆଲୋଚନା କରିଥିଲେ । ଆୟେସାର ସଭାପତି ସମୀମା ବେଗମଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପସଭାନେତ୍ରୀ ଯମୁନା ମଲ୍ଲିକ, ରାମ ଶଙ୍କର ଭୋଇ, ପୁଷ୍ପାଞ୍ଜଳି ଆଚାର୍ଯ୍ୟ, ପ୍ରମୁଖ ସ୍ୱେଚ୍ଛାସେବୀ ଗ୍ରାମବାସୀଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ସଭା ଆରମ୍ଭରେ ଗ୍ରାମବାସୀଙ୍କ ପକ୍ଷରୁ ପାରମ୍ପରିକ ନୃତ୍ୟ ଓ ସଂଗୀତ ଦ୍ୱାରା ଅତିଥି ମାନଙ୍କୁ ସ୍ୱାଗତ କରାଯାଇଥିଲା । ସଭା ଶେଷରେ ନିଲାମ ଟପ୍ପୋ ଗ୍ରାମବାସୀଙ୍କ ପକ୍ଷରୁ ଧନ୍ୟବାଦ ଅର୍ପଣ କରିଥିଲେ ।
