ଜି.ଉଦୟଗିରି : ସ୍ଥାନୀୟ ଦିଶା ହୋଟେଲରେ ନଗର ବିଜୁ ଜନତା ଦଳର ଏକ ବୈଠକ ନଗର ସଭାପତି ଗୋପାଳ କୃଷ୍ଣ ମହାପାତ୍ରଙ୍କ ଅଧକ୍ଷତାରେ ଅନୁଷ୍ଠିତ ହୋଇଯାଇଥିଲା । ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ସାଲୁଗା ପ୍ରଧାନ ଯୋଗ ଦେଇଥିବା ବେଳେ ପୂର୍ବତନ କାଉନସିଲର ସମୀର କୁମାର ପାଢୀ ସ୍ୱାଗତ ଭାଷଣ ସହ ନବୀନ ବାବୁଙ୍କ ସହରାଞ୍ଚକରେ ବିଭିନ୍ନ ଜନହିତକର କାର୍ଯ୍ୟକ୍ରମ ସହ ମୁକ୍ତା ଯୋଜନାରେ ମହିଳା ସଶକ୍ତିକରଣ ଉପରେ ନିଜର ମତବ୍ୟକ୍ତ କରିଥିବା ବେଳେ ମୁଖ୍ୟ ଅତିଥି ନିଜ ଅଭିଭାଷଣରେ ଆଗାମୀ ନିର୍ବାଚନ ପାଇଁ ପ୍ରସ୍ତୁତ ହେବା ସହ ସହରର ସମସ୍ତ ୱାର୍ଡର ଘରେ ଘରେ ମୁଖ୍ୟମନ୍ତ୍ରୀଙ୍କ ବିଭିନ୍ନ ଜନକଲ୍ୟାଣ ଯୋଜନା ବିଷୟରେ ଅବଗତ କରେଇବା ସହ କିଭଳି ସହରର ବିକାଶ ଘଟିବ ତା ଉପରେ ଗୁରୁତ୍ୱାରୋପ କରିଥିଲେ । କାଳୁଚରଣ ପଣ୍ଡା ଧନ୍ୟବାଦ ଅର୍ପଣ କରିଥିବା ବେଳେ ଅଶ୍ୱିନୀ ନାୟକ, ପୂର୍ବତନ ଏନଏସି ଉପାଧକ୍ଷା ଶ୍ରୀମତି ଭାନୁପ୍ରଭା ମିଶ୍ର, ବ୍ଲକ ଅଧକ୍ଷ ହୃଦାନନ୍ଦ କଁହର, ବ୍ଲକ ବିଜେଡି ସଭାପତି ଲିଙ୍ଗରାଜ କଁହର ଏବଂ ସାଂସଦଙ୍କ ପ୍ରତିନିଧି ସାମନ୍ତ ଦିଗାଲ ପ୍ରମୁଖ ଉପସ୍ଥିତ ଥିବା ବେଳେ ଏନଏସି ର ୧୪ଗୋଟି ୱାର୍ଡର ବହୁ ବିଜେଡି କର୍ମୀ ଯୋଗ ଦେଇଥିଲେ ।
