ଚମ୍ପୁଆ: ଚମ୍ପୁଆ ରେଂଜର ହାତୀଙ୍କ ଗତି ବିଧିକୁ ଲକ୍ଷ୍ୟ କରିବା ଏବଂ ଧନଜୀବନକୁ ସୁରକ୍ଷା ଦେବା ନିମନ୍ତେ ନିଯୁକ୍ତ ହୋଇଥିବା ତଥା ବିଭିନ୍ନ ଗ୍ରାମରେ କାର୍ଯ୍ୟ କରୁଥିବା ଗଜ ସାଥୀଙ୍କୁ ଚମ୍ପୁଆ ବନ ବିଭାଗ ପକ୍ଷରୁ ଉପକରଣ ବଂଟନ କରାଯାଇଛି । ଚମ୍ପୁଆ ରେଂଜରେ ପ୍ରାୟ ୬୦ ଜଣ ଗଜ ସାଥୀ କାର୍ଯ୍ୟ କରୁଛନ୍ତି । ଏହି ଗଜ ସାଥୀ ମାନେ ନିୟମିତ ଭାବେ ଗ୍ରାମ ମଧ୍ୟକୁ ପ୍ରବେଶ କରୁଥିବା ହାତୀ ପଲ ଉପରେ ନଜର ରଖିବା ସହିତ ବନ ବିଭାଗକୁ ତୁରନ୍ତ ସୂଚନା ଦେବା କାର୍ଯ୍ୟ କରି ଆସୁଛନ୍ତି । ଆଜି ବନ ବିଭାଗ ପକ୍ଷରୁ ଏହି କର୍ମଚାରୀଙ୍କୁ ଅତ୍ୟାବସକ ସାମଗ୍ରୀ ଜୋତା, ଡ୍ରେସ ଓ ଟର୍ଚ୍ଚ ପ୍ରଦାନ କରାଯାଇଛି । ରେଂଜର ଅକ୍ଷୟ ଛତ୍ରିୟାଙ୍କ ନିର୍ଦ୍ଦେଶ କ୍ରମେ ଫରେଷ୍ଟର ନଗେନ୍ଦ୍ର ଜେନା ଗଜ ସାଥୀ ମାନଙ୍କୁ ରେଂଜ କାର୍ଯ୍ୟାଳୟ ଠାରେ ଏହା ପ୍ରଦାନ କରିଛନ୍ତି ।
