ସୁବର୍ଣ୍ଣପୁର : ଭୁବନେଶ୍ୱରଠାରେ ଆୟୋଜିତ ହେବାକୁଥିବା ୬୮ତମ ରାଜ୍ୟସ୍ତରୀୟ କ୍ରୀଡା ପ୍ରତିଯୋଗିତାରେ ଭାଗନେବା ପାଇଁ ଆଜି ସୁବର୍ଣ୍ଣପୁର ଜିଲ୍ଲାରୁ ମହିଳା ବର୍ଗରୁ ୬ ଓ ପୁରୁଷ ବର୍ଗରୁ ୯ ଜଣ ଗସ୍ତ କରିଛନ୍ତି । ଏଥିପାଇଁ ଜିଲ୍ଲା କ୍ଳୀଡ଼ା ସଂଘ ପକ୍ଷରୁ ଏକ ଚୟନ ଶିବିର ଆୟୋଜନ କରି ଜିଲ୍ଲାର ବଛା ବଛା ମହିଳା ଓ ପୁରୁଷ ବର୍ଗର ମୋଟ ୧୫ଜଣ ଶ୍ରେଷ୍ଠ ଖେଳାଳି ଚୟନକରି ଜିଲ୍ଲାର ପ୍ରତିନିଧିତ୍ୱ କରିବା ପାଇଁ ମନୋନୀତ କରାଯାଇଥିଲା । ଫୁଟବଲ ସଂପାଦକ ରାଜୀବ କୁମାର ସାହୁଙ୍କୁ ଦଳର ମ୍ୟାନେଜର ଭାବରେ ଓ କୋଚ ଭାବରେ କଲିମ୍ ମହମ୍ମଦଙ୍କ ଉପରେ ଦାୟିତ୍ୱ ନ୍ୟସ୍ତ କରି ଉଭୟଙ୍କୁ ପଠାଯାଇଛି । ଖେଳାଳିଙ୍କ ମନୋବଳ ବୃଦ୍ଧି ପାଇଁ ତଥା ଭଲ ପ୍ରଦର୍ଶନ ପାଇଁ ସେମାନଙ୍କୁ ଉତ୍ସାହିତ କରିବା ପାଇଁ ସ୍ଥାନୀୟ ରାମେଶ୍ୱର ଷ୍ଟାଡିୟମରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ଜିଲ୍ଲା କ୍ରୀଡା ସଂଘର ସଂପାଦକ ପିୟୂଷ ପଣ୍ଡା, ଉପ ସଭାପତି ଚିତ୍ତରଂଜନ ତରାସିଆ, କାର୍ଯ୍ୟକାରୀ ସଦସ୍ୟ ଗୌରୀଶ୍ୟାମ ପଣ୍ଡା, ଦିଲ୍ଲୀପ ଗୁରୁ, ବିଦ୍ୟାଧର ମିଶ୍ର, ପୁରୁଷୋତ୍ତମ ପାଣିଗ୍ରାହୀ, ଜୟନାରାୟଣ ମେଣ୍ଡିଲି, ରାଜୀବ ସାହୁ, ସୁବାସ ବିଶ୍ୱାଳ, ବିକାଶ ପଣ୍ଡା, ହୃଷିକେଶ ପଣ୍ଡା, ଚନ୍ଦ୍ର ଶେଖର ଦଳାଇ, ପୁରେନ୍ଦ୍ର ନାୟକ ପ୍ରମୁଖ ଯୋଗଦେଇ ସମସ୍ତ ପ୍ରତିଯୋଗି ଖେଳାଳିଙ୍କୁ ଉତ୍ସାହିତ କରିଥିଲେ ।
