ଦଶପଲ୍ଲା : ଦଶପଲ୍ଲା ବ୍ଲକ୍ ଅନ୍ତର୍ଗତ ଉପାନ୍ତ ଅଂଚଳ କଳସାଖମଣ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରୁ ଚୋରି ଘଟଣାରେ ପୁଲିସ ଜଣକୁ ଗିରଫ କରି କୋର୍ଟଚାଲାଣ କରିଛି । ଗିରଫ ବ୍ୟକ୍ତି ଜଣକ ହେଲା କଳସାଖମଣ ଗ୍ରାମର ନୀଳମାଧବ ନାୟକଙ୍କ ପୁଅ ଚନ୍ଦନ ନାୟକ ( ୨୩ ) । ଗତ ୧୭ ତାରିଖ ବିଳମ୍ବିତ ରାତିରେ ଚନ୍ଦନ ବିଦ୍ୟାଳୟର କବାଟ ଭାଙ୍ଗି ଫ୍ୟାନ ସହ ବିଭିନ୍ନ ସାମଗ୍ରୀ ଚୋରି କରିଥିଲା । ଯାହାକୁ ନେଇ ବିଦ୍ୟାଳୟ କର୍ଣ୍ଣପକ୍ଷ ବାଣିଗୋଛା ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ କରିଥିଲା । ତାକୁ ଅଟକ ରଖାଯାଇ ପଚରାଉଚରା ପରେ ତା ନିକଟରୁ ୨ଟି ଫ୍ୟାନ୍ ଜବତ କରାଯାଇ (କେସ୍ ନଂ ୪୭/୨୦୨୧ ) ଗତକାଲି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ବୈଦ୍ୟନାରାୟଣ ଭୋଇ ପ୍ରକାଶ କରିଛନ୍ତି ।
