ଦାରିଙ୍ଗବାଡି : କଟକ ସ୍ଥିତ ବାବା ସାଗର ଦାସ ବିଦ୍ୟାପୀଠଠାରେ ଦୁଇ ଦିନିଆ ରାଜ୍ୟସ୍ତରୀୟ କୁଡୋ ତାଲିମ ଶିବିର ଓ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାରେ କନ୍ଧମାଳ ଜିଲ୍ଲା କୁଡୋ ଆସୋସିଏସନ ତରଫରୁ ଦାରିଙ୍ଗବାଡି ବ୍ଲକର ୬ଜଣ ଖେଳାଳି ଅଂଶ ଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ୫ଜଣ ସ୍ୱର୍ଣ୍ଣ ପଦକ ହାସଲ କରିଥିବା ବେଳେ ଜଣେ ରୌପ୍ୟ ପଦକ ଜିତିଛନ୍ତି । ସ୍ୱର୍ଣ୍ଣ ପଦକ ହାସଲ କରିଥିବା ଛାତ୍ରମାନେ ହେଲେ ତପସ୍ୱିନୀ ପ୍ରଧାନ, ଅନିଶା ପ୍ରଧାନ, ଅୟୁଷ୍ମାନ ସାହୁ, ବିଭୀଷଣ ଦଣ୍ଡସେନା, ଆର୍ଯ୍ୟମାନ ପରିଚ୍ଛା ଏବଂ ରୌପ୍ୟ ପଦକ ହାସଲ କରିଥିବା ଛାତ୍ର ଜଣକ ହେଲେ ସମ୍ବିତ କୁମାର ବିଶିମାଝୀ । ସମସ୍ତ ୬ଜଣ ଛାତ୍ରଛାତ୍ରୀମାନେ ଏହି ପଦକ ହାସଲ କରି ଦାରିଙ୍ଗବାଡି ଅଞ୍ଚଳ ପାଇଁ ସୁନାମ ଅର୍ଜନ କରିଛନ୍ତି । ଏହି କାର୍ଯ୍ୟକ୍ରମକୁ ନ୍ୟାସନାଲ ଜୁଡୋ ଆସୋସିଏସନର ସଭାପତି ଅକ୍ଷୟ କୁମାର ଏବଂ ଜାତୀୟ ସ୍ତରୀୟ ପ୍ରଶିକ୍ଷକ ବିପୁଲ ସୁରୁ ଛାତ୍ରଛାତ୍ରୀମାନଙ୍କୁ ତାଲିମ ଦେଇଥିଲେ । ଛାତ୍ରଛାତ୍ରୀମାନେ ଦାରିଙ୍ଗବାଡି ବ୍ଲକ ଜୁଡୋ କୋଚ ଦାରା ସିଂ ପରିଚ୍ଛାଙ୍କ ତତ୍ତ୍ୱବାଧାନ ରେ ପ୍ରତିଯୋଗିତାରେ ଅଂଶଗ୍ରହଣ କରିଥିବା ବେଳେ କୋଚ ଦାରା ସିଂ ପରିଚ୍ଛା ଶିବିରରେ ଜୁଡୋ ତାଲିମ ନେଇ ତାଙ୍କର ୨ୟ ଡାନ ବ୍ଲାକବେଲ୍ଟ ହାସଲ କରିଛନ୍ତି ।
