ଭୋଜପୁର: ମର୍ଣ୍ଣିଂ ୱାକ୍ କରିବା ବେଳେ ୪ ଜଣ ମହିଳାଙ୍କୁ ଚକଟି ଦେଲା ସ୍କର୍ପିଓ । ଘଟଣାସ୍ଥଳରେ ସମସ୍ତେ ମୃତ । ବିହାର ଭୋଜପୁରର ପୀରୋ ଥାନା ଅନ୍ତର୍ଗତ ପୀରୋ-ଜଗଦୀଶପୁର ରାଜ୍ୟ ରାଜପଥର ଦେବଚନ୍ଦ ପୋଲ ନିକଟରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି । ତେବେ ସ୍କର୍ପିଓଟି ଘଟଣାସ୍ଥଳରୁ ଫେରାର୍ ହୋଇଯାଇଛି । ସ୍ଥାନୀୟ ଲୋକମାନେ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଟାୟାର ଜାଳି ରାସ୍ତାରୋକ କରିଛନ୍ତି । ଫଳରେ ଯାତାୟତ ସମ୍ପୂର୍ଣ୍ଣ ରୂପେ ଠପ୍ ହୋଇଯାଇଛି ।
ସୂଚନାନୁଯାୟୀ, ଶୁକ୍ରବାର ସକାଳ ୪ଟା ରୁ ୫ଟା ମଧ୍ୟରେ ୪ ଜଣ ମହିଳା ମର୍ଣ୍ଣିଂୱାକ୍ କରିବାକୁ ଯାଇଥିଲେ । ଏହି ସମୟରେ ଭୋଜପୁରର ପୀରୋ ଥାନା ଅନ୍ତର୍ଗତ ପୀରୋ-ଜଗଦୀଶପୁର ରାଜ୍ୟ ରାଜପଥର ଦେବଚନ୍ଦ ପୋଲ ନିକଟରେ ସେମାନଙ୍କୁ ଏକ ସ୍କର୍ପିଓ ଧକ୍କା ଦେଇଛି । ଘଟଣାସ୍ଥଳରେ ସମସ୍ତଙ୍କର ମୃତ୍ୟୁ ହୋଇଛି । ମୃତକମାନେ ହେଲେ ଓଝବଲିଆ ଗ୍ରାମର ମୋତିଶାରୀ ଦେବୀ, ମାନତି ଦେବୀ, ଉର୍ମିଳା ଦେବୀ, ସରସ୍ୱତୀ ଦେବୀ । ତେବେ ଦୁର୍ଘଟଣା ଘଟାଇ ସ୍କର୍ପିଓଟି ଫେରାର୍ ହୋଇଯାଇଛି ।
