ପୁରୀ : ପବିତ୍ର ଜନ୍ମାଷ୍ଟମୀ ଅବସରରେ ବାଲୁକା ଚିତ୍ରକଳା ମାଧ୍ୟମରେ ଶୁଭେଚ୍ଛା । ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ଏହି ବାଲୁକା ଚିତ୍ରକଳା କରି ସମସ୍ତଙ୍କୁ ଏହି ପବିତ୍ର ଦିନର ଶୁଭେଚ୍ଛା ଜଣାଇଛନ୍ତି । ସେହିପରି ଭଗବାନ କୃଷ୍ଣ କୋଭିଡ ମହାମାରୀ କବଳରୁ ଆମକୁ ରକ୍ଷା କରିବାକୁ ଏହି ବାଲୁକା ଚିତ୍ରକଳା ରେ ପ୍ରଭୁ କୃଷ୍ଣଙ୍କୁ ପ୍ରାର୍ଥନା କରାଯାଇଛି । ଅତି ସୁନ୍ଦର ଓ ନିଖୁଣ ଭାବେ ଭଗବାନ କୃଷ୍ଣଙ୍କ ବାଲ୍ୟ ଲୀଳାକୁ ଏହି ବାଲୁକା ଚିତ୍ରକଳାରେ ସ୍ଥାନ ଦେଇଛନ୍ତି ବିଶିଷ୍ଟ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।
