ପାରଳାଖେମୁଣ୍ଡି : ପାରଳାଖେମୁଣ୍ଡିଠାରେ ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ ଗଜପତିଙ୍କ କାର୍ଯ୍ୟାଳୟ ପରିସର ମଧ୍ୟରେ ୭୦ତମ ଜିଲ୍ଲାସ୍ତରୀୟ ଗୋ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଗଜପତି ଜିଲ୍ଲା ପ୍ରଣୀ ସଂପଦ ବିକାଶ ବିଭାଗ ଅନୁକୂଲ୍ୟରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲାମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ. ଶ୍ରୀନିବାସ ସାହୁ ସଭାପତିତ୍ୱ କରିଥିଲେ । ଏହି ଉତ୍ସବରେ ଗଜପତିର ଅତିରିକ୍ତ ଜିଲ୍ଲାପାଳ ସଂଗ୍ରାମ ସେଖର ପଣ୍ଡା ମୁଖ୍ୟ ଅତିଥି ରୂପେ ଯୋଗ ଦେଇ ଗୋ ପୂଜନ ଗୋ ପ୍ରଦର୍ଶନୀକୁ ଅନୁଷ୍ଠାନିକ ଭାବେ ଉଦଘାଟନ କରିଥିଲେ । ମୁଖ୍ୟବକ୍ତା ଭାବେ ଓଡ଼ିଶା ସାହିତ୍ୟ ଏକାଡେମୀର ସଦସ୍ୟ ବୀଚିତ୍ରାନନ୍ଦ ବେବର୍ତା, ସମ୍ମାନିତ ଅତିଥି ଭାବେ ଉତ୍କଳ ଗୋ ମଙ୍ଗଳ ବିକାଶ ପରିଷଦର ସଭାପତି ହୃଷିକେଶ ଗୌଡ଼ ଯୋଗ ଦେଇଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ଗୋ ମାତା ପୂଜନ କରାଯାଇଥିଲା ଓ ଅତିଥିମାନେ ଗୋ ପ୍ରଦର୍ଶନୀ ପରିଦର୍ଶନ କରିଥିଲେ । ଏହି ଉତ୍ସବରେ ୭ଟି ବ୍ଲକର ଗୋପାଳନ ଚାଷୀମାନେ ଯୋଗ ଦେଇଥିଲେ । ପରିଶେଷରେ ଗୋ ପ୍ରଦର୍ଶନୀରେ ଅଂଶ ଗ୍ରହଣ କରିଥିବା ଚାଷୀ ମାନଙ୍କ ମଧ୍ୟରୁ ସଫଳ ଗୋପାଳନ ମାନଙ୍କୁ ମାନପତ୍ର ସହିତ ପ୍ରୋତ୍ସାହନ ରାଶି ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଡ.ରାମକାନ୍ତ ରଣା, ଅତିରିକ୍ତ ପ୍ରଣୀ ଚିକିତ୍ସା ଅଧିକାରୀ ଡ. ପ୍ରଦୀପ କୁମାର ସାହୁ ଓ ଡ.ନାରାୟଣ ମହାପାତ୍ର, ଜିଲ୍ଲା ପ୍ରାଣୀ ଚିକିତ୍ସାଳୟର ଉପ ନିର୍ଦ୍ଦେଶକ ଡ. ବିଧୁତ ଶେଖର ମିଶ୍ର ଓ ସାତଟି ବ୍ଲକର ଗୋଷ୍ଠୀ ପ୍ରଣୀ ଚିକିତ୍ସା ଅଧିକାରୀ, ପ୍ରଣୀ ଚିକତ୍ସକ, ପ୍ରାଣୀଧନ ନିରୀକ୍ଷକମାନେ ଯୋଗ ଦେଇଥିଲେ । ସବା ଶେଷରେ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଧନ୍ୟବାଦ ଅର୍ପଣ କରିଥିଲେ ।
