ଫୁଲବାଣୀ : ଛାତରୁ ପଡି ଗଂଜେଇ ଅଭିଯୁକ୍ତ ଗୁରୁତର ହୋଇଥିବା ଜଣାପଡିଛି । ଗୁରୁତର ଆହତ ହୋଇଥିବା ଅଭିଯୁକ୍ତ ଜଣକ ଫିରିଙ୍ଗିଆ ଥାନା ଅନ୍ତର୍ଗତ ଅମିତ ନାୟକ । ଗୁରୁତର ଅବସ୍ଥାରେ ଅମିତଙ୍କୁ ପ୍ରଥମେ ଫୁଲବାଣୀ ସଦର ମହକୁମା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା ତେବେ ଅମିତଙ୍କ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ସୂଚନାଯୋଗ୍ୟଯେ ଫୁଲବାଣୀ ଅବକାରୀ ଟିମ ଚଢ଼ାଉ କରି କଲେଜ ଛକ ନିକଟରୁ ଗଂଜେଇ ସହ ଅମିତକୁ ଗିରଫକରି ଅବକାରୀ ବିଭାଗ କାର୍ଯ୍ୟାଳୟକୁ ଆଣି ପଚରାଉଚରା କରିବାବେଳେ ଅଭିଯୁକ୍ତ ଅମିତ ଖସି ଆସି ଭୟରେ ଛାତ ଉପରକୁ ଯାଇ ଡେଇଁ ପଡିଥିବା କୁହାଯାଉଥିବା ବେଳେ କେହି କେହି ଅବକାରୀ କର୍ମଚାରୀ ମାଡ଼ମାରି ଠେଲି ଦେଇଥିବା କହୁଛନ୍ତି । ତେବେ କିଏ ଠିକ କହୁଛି ତଦନ୍ତ ପରେ ଜଣାପଡିବ ।
