ପଦ୍ମପୁର : ପଦ୍ମପୁର ଉପଖଣ୍ଡ ଅନ୍ତର୍ଗତ ଦୁବୁଲାବାହାଲ ଛକ ନିକଟରେ ମର୍ମନ୍ତୁଦ ଦୁର୍ଘଟଣା। ଗଛ ପଟା ଚୋରା ଚାଲାଣ ବେଳେ ଭାରସାମ୍ୟ ହରାଇ ରାସ୍ତା କଡରେ ଥିବା ଇଟା ଗଦାକୁ ଧକ୍କା ଦେଲା ମହିନ୍ଦ୍ରା ସବାରୀ ଗାଡ଼ି। ଫଳରେ କାଠପଟା ତଳେ ଚାପିହୋଇ ଡ୍ରାଇଭର ଓ ତାଙ୍କ ସହଯୋଗୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ସୂଚନାନୁଯାୟୀ, ବିଜେପୁର ପଟୁ ଏକ ମହିନ୍ଦ୍ରା ସବାରୀ ଗାଡ଼ି କାଠ ପଟା ଭର୍ତ୍ତି କରି ଆସୁଥିବା ସମୟରେ ଭାରସାମ୍ୟ ହରାଇ ରାସ୍ତା କଡକୁ ଚାଲିଯାଇ ରାସ୍ତା କଡ଼ରେ ଥିବା ଇଟା ଗଦାକୁ ଧକ୍କା ଦେଇଥିଲା। ଯାହାଫଳରେ କାଠପଟା ତଳେ ଚାପିହୋଇ ଡ୍ରାଇଭର ଓ ତାଙ୍କ ସହ ଥିବା ବ୍ୟକ୍ତିଙ୍କ ମୃତ୍ୟୁ ହୋଇଯାଇଛି । ମୃତକମାନେ ହେଲେ ବରଗଡ଼ ଜିଲ୍ଲା ବିଜେପୁର ଥାନା ତାଲପଦର ଗାଁର ବିରେନ୍ଦ୍ର କୁମାର ସାହୁ ଓ ମଣ୍ଡୋମହୁଲ ଗାଁର କସ୍ତୁବ ବାଗ ।
