ଫୁଲବାଣୀ : କନ୍ଧମାଳ ଜିଲ୍ଲାର ଫିରିଙ୍ଗିଆ ଥାନା ପକ୍ଷରୁ ଅନବରତ ଗଞ୍ଜେଇ ମାଫିଆଙ୍କୁ ଧରିବାରେ ବଡ ସଫଳତା ମିଳୁଛି । ଏକ ଧଳା ଟାଟା ଜେଷ୍ଟ ଇସିଏସ କାରରେ ଗଞ୍ଜେଇ ଚାଲାଣ ହେଉଥିବା ବେଳେ ଫିରିଙ୍ଗିଆ ପୋଲିସ ହାବୁଡ଼ରେ ପଡି ଗଞ୍ଜେଇ ମାଫିଆ ଧରାପଡିଥିବା ଖବର ମିଳିଛି । ସୂଚନା ଅନୁସାରେ ଏକ କାରରେ ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ ସ୍ଥାନୀୟ ଆଇଆଇସି ଶ୍ୟାମ ସୁନ୍ଦର ରାଓ ନିଜର ଏକ ପୋଲିସ ଟିମକୁ ପବିଙ୍ଗିଆ ଠାରେ ମୁତୟନ କରିଥିଲେ । ସ୍ଥାନୀୟ ଥାନା ଏସଆଇଙ୍କ ନେତୃତ୍ୱରେ ଆଜି ସକାଳୁ ପୋଲିସ ପବିଙ୍ଗିଆ ଠାରେ ରାସ୍ତାରେ ଯାତାୟାତ କରୁଥିବା ଗାଡି ଗୁଡିକୁ ଯାଞ୍ଚ କରୁଥିବା ବେଳେ ଗଞ୍ଜେଇ ନେଇ ଯାଉଥିବା ଏକ ଧଳା ରଙ୍ଗର ଟାଟା ଜେଷ୍ଟ କାରକୁ ଅଟକେଇ ସେଥିରୁ ତିନି ଗୋଟି ବସ୍ତାରେ ଥିବା ୧୦୧.୯୦୦କେଜି ଗଞ୍ଜେଇ ଜବତ କରିଥିଲେ । ଏକ ହିରୋ ହଣ୍ଡା ସ୍ପେଲେଣ୍ଡର ମୋଟର ସାଇକଲ ସହ ୪ ଜଣକୁ ଗିରଫ କରିଥିଲେ । ଗିରଫ ୪ ଜଣ ହେଲେ ଅମନ ଦିଗାଲ(୨୫),ଜୋସୟା ଦିଗାଲ(୨୦) । ଉଭୟ କେ ନୂଆଗାଁର ଅନ୍ୟ ଦୁଇଜଣ ହେଲେ ଜିତେନ୍ଦ୍ର ଦିଗାଲ(୨୯)ଏବଂ ମନୋଜ ଦିଗାଲ(୩୦)ଉଭୟ କୁଡୁର୍ହା ଗ୍ରାମର । ଏମାନଙ୍କ ନାମରେ କେଶ ନମ୍ବର ୫୭/୨୦ ଫିରିଙ୍ଗିଆ ଥାନାରେ ଏକ ମାମଲା ରୁଜୁ କରି ଥାନା ଆଇଆଇସି ଶ୍ୟାମ ସୁନ୍ଦର ରାଓ ତଦନ୍ତ କରି କୋର୍ଟ ଚାଲାଣ କରିଛନ୍ତି ।
