ଟୋକିଓ: ଚଳିତ ଟୋକିଓ ପାରାଲିମ୍ପିକ୍ସରେ ଭାରତୀୟ ପାରା ଆଥଲେଟଙ୍କ ଜଲୱା ଜାରି ରହିଛି। ପାରାଲିମ୍ପିକ୍ସରେ ଦୁଇଟି ସ୍ୱର୍ଣ୍ଣ ପଦକ ଜିତିଥିବା ଜାଭେଲିନ୍ ଥ୍ରୋୟର୍ ଦେବେନ୍ଦ୍ର ଝାଝାରିଆ ଏଠାରେ ହ୍ୟାଟ୍ରିକରୁ ବଞ୍ଚିତ ହୋଇଛନ୍ତି। ସ୍ୱର୍ଣ୍ଣରୁ ବଞ୍ଚିତ ହୋଇଥିଲେ ହେଁ ଦେବେନ୍ଦ୍ର ରୌପ୍ୟ ପଦକ ଜିତିଛନ୍ତି। ସେହିପରି ଜାଭେଲିନରେ ଭାରତକୁ ଆଉଏକ ପଦକ ଦେଇଛନ୍ତି ସୁନ୍ଦର ସିଂହ ଗୁର୍ଜର। ଉଭୟ ଝାଝାରିଆ ଓ ଗୁର୍ଜର ଜାଭେଲିନ୍ ଏଫ୍-୪୬ ବର୍ଗରେ ଏହି ସଫଳତା ହାସଲ କରିଛନ୍ତି।
