ବୌଦ୍ଧ : ବୌଦ୍ଧ ଥାନା ବଘିଆପଡା ଫାଣ୍ଡି ଅଂଚଳରୁ ୧ କ୍ୱିଣ୍ଟାଲରୁ ଅଧିକ ଓଜନର ଗଞ୍ଜେଇ ପୁଲିସ ଜବତ କରିବା ସହ ୨ଜଣଙ୍କୁ ଗିରଫ କରି କୋର୍ଟଚାଲାଣ କରିଛି । ଆମ୍ବଝରୀ ଗ୍ରାମପଞ୍ଚାୟତ ଅନ୍ତର୍ଗତ ପାଟଳିପଡା ଗ୍ରାମର ଉମେଶ ନାୟକଙ୍କ ଘରେ କିଛି ଗଞ୍ଜେଇ ବାହାରକୁ ଚାଲାଣ ପାଇଁ ଗଚ୍ଛିତ ଥିବା ଖବର ପାଇ ଗତକାଲି ବିଳମ୍ବିତ ରାତିରେ ବଗିଆପଡା ଫାଣ୍ଡିକୁ ସୂଚନା ମିଳିଥିଲା । ଖବରପାଇ ତୁରନ୍ତ ପାଟଳିପଡା ଗ୍ରାମରେ ଚଢାଉ କରି ଉମେଶ ନାୟକଙ୍କ ଘରୁ ୧ କ୍ୱିଣ୍ଟାଲ ୨୦୦ ଗ୍ରାମ ଗଞ୍ଜେଇ ଜବତ କରିବା ସହ ଉମେଶ ଓ ସହଯୋଗୀ ବନ ନାୟକଙ୍କୁ ଗିରଫ କରିଥିଲା । ଉଭୟଙ୍କ ନାମରେ ମାମଲା ରୁଜୁ କରାଯାଇ ଆଜି କୋର୍ଟଚାଲାଣ କରାଯାଇଥିବା ଜଣାପଡିଛି । ସେମାନଙ୍କର ଜାମିନ ନାମଞ୍ଜୁର ହେବାରୁ ଉଭୟଙ୍କୁ ଜେଲକୁ ପଠାଇ ଦିଆଯାଇଛି ।
