କ.ନୂଆଗାଁ-କରୋନା କଟକଣା ଯୋଗୁଁ ରାକ୍ଷୀ ପୂର୍ଣ୍ଣିମା ଫିକା ପଡିଥିବା ବେଳେ କନ୍ଧମାଳ ଜିଲ୍ଲା ଅନ୍ତର୍ଗତ କ.ନୂଆଗାଁ ବ୍ଲକର ଚଣାପଦର ସାହିର ଯୁବକ ସଂଘ ତରଫରୁ ଚଳିତ ବର୍ଷ ରାକ୍ଷୀ ପୂର୍ଣ୍ଣିମାରେ ରାକ୍ଷୀ ବଦଳରେ ମାସ୍କ ପିନ୍ଧି ଜନସାଧାରଣଙ୍କୁ ସଚେତନ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ପୁରୁଷ ସ୍ୱାସ୍ଥ୍ୟ କର୍ମୀ ସଂଘର ସଂପାଦକ ପ୍ରଭାତ କୁମାର ଶତପଥୀ ସାହିର ଯୁବକମାନଙ୍କୁ କରୋନା ସମ୍ପର୍କରେ ସଚେତନ କରାଇ ସମସ୍ତଙ୍କୁ ମାସ୍କ ବାଣ୍ଟିବା ସହ ସୁରକ୍ଷିତ ରହିବା ନିମନ୍ତେ କହିଥିଲେ । ଅନ୍ୟମାନଙ୍କ ମଧ୍ୟରେ ମୃତ୍ୟୁଞ୍ଜୟ ଦଳବେହେରା, ଅଚ୍ୟୁତ ବେହେରା, ମାନସ ବିଶିମାଝୀ, ପୂର୍ବତନ ସରପଞ୍ଚ ସୁଧାଂଶୁ ବିଶିମାଝୀ ପ୍ରମୁଖ ଉପସ୍ଥିତ ଥିଲେ । ଯୁବକ ସଂଘର ଏହି କାର୍ଯ୍ୟକ୍ରମକୁ ଅଞ୍ଚଳବାସୀ ପ୍ରଶଂସା କରିଥିଲେ ।
