ବୌଦ୍ଧ,୧୦/୯ – ଆଜି ସନ୍ଧ୍ୟାରେ ଚାରିଛକ – କୁଶଙ୍ଗ ରାସ୍ତାର ବାଇଶି ପଡା ନିକଟରେ ବାଇକ ଦୁର୍ଘଟଣା ଘଟି ମହାଲିକ ପଡା ପଂଚାୟତ ନିର୍ବାହୀ ଅଧିକାରୀ ପ୍ରଦତ୍ତ ଭୋକ୍ତା (48)ଙ୍କ ମୃତ୍ୟୁ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ମହାଲିକ ପଡା ପଂଚାୟତ କାର୍ଯ୍ୟାଳୟରୁ ନିଜ କାମ ସାରି ସେ ପୁରୁଣା କଟକ ଠାରେ ଥିବା ନିଜ ଘରକୁ ବାଇକ ଯୋଗେ ଫେରୁଥିବା ବେଳେ ଭାରସାମ୍ୟ ହରାଇ ବାଇଶି ପଡା ପୋଲ ତଳକୁ ଖସି ପଡି ଥିଲେ l ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ପୁରୁଣାକଟକ ଡାକ୍ତରଖାନାକୁ ଆଣିଥିଲେ ଓ ତାଂକର ମ୍ରୁତ୍ୟୁ ହୋଇଥିବା ଡାକ୍ତର ଘୋଷଣା କରିଥିଲେ | ତାଂକର ବିୟୋଗରେ ଶୋକର ଛାୟା ଖେଳି ଯାଇଛି l ସ୍ବର୍ଗତ ଭୋକ୍ତା ପୁରୁଣାକଟକ ଠାରେ କିଛି ବର୍ଷ ହେଲା ଘର କରି ସପରିବାର ରହୁଥିଲେ ମଧ୍ୟ ତାଙ୍କ ନିଜ ଘର ବୌଦ୍ଧ ବ୍ଲକ୍ ପଦ୍ମନପୁର ଗ୍ରାମ ପଂଚାୟତର ଚରଦା ଗ୍ରାମ l
