ପୁରୀ : ଗତକାଲି ବିଳମ୍ବିତ ରାତିରେ ଜଣେ ମହିଳାଙ୍କୁ ଗୁଳିମାଡ ହୋଇଛି । ଗୁଳିମାଡ଼ରେ ମହିଳା ଜଣଙ୍କ ଗୁରୁତର ଆହତ ହୋଇ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଗୁରୁତର ମହିଳା ହେଉଛନ୍ତି ସକୁନ୍ତଳା ସାହୁ । କୁମ୍ଭାରପଡା ନରେନ୍ଦ୍ରକୋଣ ଆଇଟିଆଇ ଛକଠାରେ ଏହି ଗୁଳିମାଡ ହୋଇଛି । ବିଜୁ ବେହେରା ନାମକ ଜଣେ ଯୁବକ ଜାଣିବାଦୀ ବିବାଦକୁ କେନ୍ଦ୍ର କରି ମହିଳାଙ୍କୁ ଗୁଳିମାଡ କରିଥିବା ଜଣାପଡିଛି । କୁମ୍ଭାରପଡା ଥାନା ପୋଲିସ ଘଟଣାସ୍ଥଳରେ ପହଁଚି ଅଧିକ ତଦନ୍ତ ଚଳାଇଛି । ସେପଟେ ଗୁଳିମାଡ଼ କରିଥିବା ଅଭିଯୁକ୍ତ ବିଜୁ ମଧ୍ୟ ନିଜ ସଂପର୍କୀୟ ମାଉସୀ ଓ ତାଙ୍କ ପୁଅକୁ ଧାରୁଆ ଅସ୍ତ୍ରରେ ହାଣି ଦେଇଥିବା ଜଣାପଡିଛି । ଉଭୟ ଆହତ ହୋଇ ପୁରୀ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡିଛି । ସୂଚନା ଅନୁଯାୟୀ ଅଭିଯୁକ୍ତ ବିଜୁର ଏକ ପୈତୃକ ଜମି ତାଙ୍କ ମାଉସୀ ଜଣେ ବ୍ୟକ୍ତିଙ୍କୁ ବିକ୍ରୀ କରିଦେଇଥିଲେ । ସେ ବାବଦରେ ବିଜୁକୁ ଟଙ୍କା ନ ମିଳିବା ରାଗରେ ବିଜୁ ତାଙ୍କ ମାଉସୀ ଓ ଜାଗା କିଣିଥିବା ବ୍ୟକ୍ତିଙ୍କ ଉପରେ ଗୁଳିମାଡ଼ ସମେତ ମରଣାନ୍ତକ ଆକ୍ରମଣ କରିଥିବା ଜଣାପଡିଛି ।
