ଫୁଲବାଣୀ:ଆଜି ଖଜୁରୀପଡ଼ା ବ୍ଲକ ପଞ୍ଚାୟତ ସମିତି ସଭାଗୃହଠାରେ ସାଧାରଣ ସଭା ଅଧ୍ୟକ୍ଷ ବିରେନ୍ଦ୍ର କୁମାର କହଁର ଅଧ୍ୟକ୍ଷତାରେ ଓ ବିଡିଓ ରବୀନ୍ଦ୍ରନାଥ କହଁରଙ୍କ ପରିଚାଳନାରେ ଅନୁଷ୍ଠିତ ହୋଇଯାଉଛି । ଉକ୍ତ ବୈଠକରେ କନ୍ଧମାଳ ସାଂସଦ ତଥା କିସ କିଟ୍ର ପ୍ରତିଷ୍ଠାତା ଡ଼ଃ.ଅଚ୍ୟୁତ ସାମନ୍ତ ମୁଖ୍ୟ ଅତିଥି ଓ ଫୁଲବାଣୀ ବିଧାୟକ ଅଙ୍ଗଦ କହଁର ସମ୍ନାନିତ ଅତିଥି ଭାବେ ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଉପାଧକ୍ଷା ସୌଦାମୀନି କହଁର, ୪ନଂ ଜିଲାପରିଷଦ ସଭ୍ୟା ଜୁଲିଲତା ଲେଙ୍କା, ସହକାରୀ ଯନ୍ତ୍ରୀ ଅରୁଣ ତ୍ରିପାଠୀ, ପଞ୍ଚାୟତ ସମ୍ପ୍ରସାରଣ ଅଧିକାରୀ ସୋନମ ବେହେରା ପ୍ରମୁଖ ଉପସ୍ଥିତ ଥିଲେ । ବୈଠକରେ ବିଭିନ୍ନ ସରକାରୀ ଯୋଜନା ଯଥା:-ବିଜୁ କଲ୍ୟାଣ ସ୍ୱାସ୍ଥ୍ୟ ଯୋଜନା, ସମନ୍ୱିତ ଶିଶୁ ବିକାଶ ଯୋଜନା ଓ ଅଙ୍ଗନବାଡି ଗୃହ ନିର୍ମାଣ, ପଞ୍ଚାୟତ ସମିତିରେ ଥିବା ରାସ୍ତା ଗୁଡ଼ିକ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ନିର୍ମାଣ, ୫ଟି ଯୋଜନା ଦ୍ୱାରା ପରିଚାଳିତ ବ୍ଲକ ଭିତରେ ୬ଟି ସ୍ମାର୍ଟ ହାଇସ୍କୁଲ ଗୁରୁବାର ଦିନ ଉଦଘାଟନ, ସମସ୍ତ ବିଷୟ ବସ୍ତୁ ଉପରେ ଆଲୋଚନା କରାଯାଇଥିଲା । ଏହି ସାଧାରଣ ସଭାରେ ସମସ୍ତ ୧୪ ଗୋଟି ପାନ ପଞ୍ଚାୟତର ସରପଞ୍ଚ, ସମିତି ସଭ୍ୟ/ସଭ୍ୟା ଓ ବିଭିନ୍ନ ସରକାରୀ ବିଭାଗର ଅଧିକାରୀ କର୍ମଚାରୀ ଉପସ୍ଥିତ ଥିଲେ ।
