ଦଶପଲ୍ଲା : ଜିଲ୍ଲା ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟ୍ଟାରିଆଙ୍କ ନିର୍ଦ୍ଦେଶ କ୍ରମେ କିଛିଦିନ ତଳେ ୩ଟି ଥାନାର ଆଇଆଇସିଙ୍କ ଛୋଟ ଧରଣର ଅଦଳବଦଳ ହୋଇଥିଲା । ନୟାଗଡ ଟାଉନ ଥାନାର ଆଇଆଇସି ଜୟଦୀପ୍ ମହାନ୍ତିଙ୍କୁ ଶରଣକୁଳ ଥାନାକୁ ବଦଳି ହୋଇଥିବା ବେଳେ ଓଡଗାଁ ଆଦର୍ଶ ଥାନାର ଆଇଆଇସି ପ୍ରଜ୍ଞାପରିମିତା ଜେନାଙ୍କୁ ନୟାଗଡ ଟାଉନ ଥାନାକୁ ବଦଳି ହୋଇଥିଲା ଓ ଶରଣକୁଳ ଥାନାର ଆଇଆଇସି ପୂର୍ଣ୍ଣଚନ୍ଦ୍ର ପଟ୍ଟାୟତଙ୍କୁ ଓଡଗାଁ ଥାନାକୁ ବଦଳି କରାଯାଇଥିଲା । ବଦଳି ହୋଇଥିବା ବଜ୍ଞପ୍ତି ପ୍ରକାଶ ପାଇଲା ପରେ ଆଜି ଟାଉନ ଥାନାରେ ପହଞ୍ଚି ଦାୟୀତ୍ୱ ଗ୍ରହଣ କରିବା ସହ କାର୍ଯ୍ୟରେ ଯୋଗ ଦେଇଛନ୍ତି ନୂତନ ଆଇଆଇସି ପ୍ରଜ୍ଞାପରିମିତା ଜେନା । ଥାନାରେ ଯୋଗ ଦେବା ପରେ ଟାଉନ ଥାନା ଅଞ୍ଚଳରେ ଶାନ୍ତିଶୃଙ୍ଖଳା ବଜାୟ ରଖିବା ଓ ଅପରାଧ ରୋକିବା ଉପରେ ଫୋକସ୍ ରହିବ ବୋଲି ସୂଚନା ଦେଇଛନ୍ତି ।
