ଦାରିଙ୍ଗିବାଡ଼ି: କନ୍ଧମାଳ ଜିଲ୍ଲା ଦାରିଙ୍ଗିବାଡ଼ି ଥାନା କିରିକୂଟୀ ପଞ୍ଚାୟତର ପାଙ୍ଗାଲମାହରେ ଅଘଟଣ । ସର୍ଟ ସର୍କିଟ୍ରୁ ଜଳିଗଲା ଦୁଇ ବଖରା ଘର । ଅଳ୍ପକେ ବର୍ତ୍ତିଲେ ପରିବାର ଲୋକେ । ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ନଷ୍ଟ ହୋଇଯାଇଥିବା ପରିବାର ପକ୍ଷରୁ ସୂଚନା ମିଳିଛି । ଘଟଣାସ୍ଥଳରେ ଦାରିଙ୍ଗିବାଡ଼ି ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇଛନ୍ତି । ସୂଚନା ପ୍ରକାରେ କିରୀକୁଟି ପଂଚାୟତ ପାଙ୍ଗାଲମାହା ର ଗିନାପତି ଦିଗାଲଙ୍କ ଘରେ ବୋହୂ ମେରି ପ୍ରଧାନ ଏବଂ କିଛି ପଡୋଶୀ ଟିଭି ଦେଖୁଥିବା ବେଳେ କୌଣଶି କାରଣରୁ ବିଦ୍ୟୁତ୍ ସର୍ଟ ସର୍କିଟ ହୋଇ ପ୍ରଥମେ ଟିଭିରୁ ଧୁଆଁ ବାହାରିଥିଲା ଏବଂ ସଙ୍ଗେ ସଙ୍ଗେ ନିଆଁ ଲାଗିଯାଇଥିଲା । ଭୟଭୀତ ହୋଇ ସମସ୍ତେ ଘରୁ ବାହାରକୁ ବାହାରି ଆସିଥିଲେ କିନ୍ତୁ ଘରେ ଥିବା ଆସବାବପତ୍ର, ଧାନ ଚାଉଳ ଓ ଅନ୍ୟ ଖାଦ୍ୟ ସାମଗ୍ରୀ ସମେତ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଥିବା ପରିବାର ଲୋକେ କହିଛନ୍ତି ।
