ଜହ୍ନାପଙ୍କ:ବୌଦ୍ଧ ବ୍ଳକ ତେଲିବନ୍ଧ ସଦର ଗ୍ରାମର ନୂତନ ଭାବେ ନିର୍ମାଣ କରାଯାଇଥିବା ଶ୍ରୀରାମ ମନ୍ଦିର ପ୍ରତିଷ୍ଠା ଓ ବିଗ୍ରହ ସ୍ଥାପନ ଉତ୍ସବ ମଙ୍ଗଳବାର ଠାରୁ ଆରମ୍ଭ ହୋଇଛି । ଆଜି ଦିତୀୟ ଦିନରେ ରାମାୟଣର ଆରଣ୍ୟକାଣ୍ଡ ପାରାୟଣ ଅନୁଷ୍ଠିତ ହୋଇଥିଲା । ଏଥିରେ ବ୍ୟାସ ଭାବେ ସୀତା ଯୋଶୀ ପାରାୟଣ ପାଠ କରିଥିଲେ । କର୍ତ୍ତାଭାବେ ସୁଜିତ ପ୍ରଧାନ ଓ ନଳିନୀ ପଲିଆ, ଶାନ୍ତନୁ କର୍ଣ୍ଣ ଓ ସୁରେନ୍ଦ୍ରି କର୍ଣ୍ଣ ଦାୟିତ୍ୱ ନିର୍ବାହ କରିଥିଲେ । ରାମଚନ୍ଦ୍ର ହୋତା ପୂଜାର୍ଚ୍ଚନା କରିଥିଲେ । ଆଖପାଖ ଗ୍ରାମର ପ୍ରାୟ୨ ହଜାର ରାମପିପାସୁ ପାରାୟଣ ଶ୍ରବଣ କରିଥିଲେ । ତେଲିବନ୍ଧ ଗ୍ରାମବାସୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେଉଛି । ଗୁରୁବାର ସୁନ୍ଦରାକାଣ୍ଡ ପାରାୟଣ ଦେବସ୍ମିତା ମହାପାତ୍ରଙ୍କ ଦ୍ୱାରା ପଠନ ହେବ ।
