ଫୁଲବାଣୀ: ପ୍ରତି ବର୍ଷ ପରି ଚଳିତ ବର୍ଷ ଫୁଲବାଣୀ ସହରର ଭବାନୀ ମାର୍କେଟ ପକ୍ଷରୁ ଆସନ୍ତା ଦୁର୍ଗାପୂଜା ଲାଗି ଶନିବାର ସଂକ୍ରାନ୍ତି ଦିନ ଶୁଭ ଖୁଣ୍ଟି ସ୍ଥାପନ କରାଯାଇଛି । ଦୁର୍ଗାପୂଜା ଯେପରି ଶାନ୍ତି ଶୃଙ୍ଖଳାର ସହ ଜାକଜକମରେ ହେବ ସେଥିପାଇଁ ମାର୍କେଟ କମିଟି ପକ୍ଷରୁ ସଭାପତି ଲଳିତ ମହାରଣାଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ କାର୍ଯ୍ୟପନ୍ଥା ପ୍ରସ୍ତୁତି ହୋଇଥିଲା । ସେହି ପ୍ରକାରେ ଶନିବାର ମାର୍କେଟ କମିଟିର ରାଜେନ୍ଦ୍ର ସାହୁ କର୍ତ୍ତାଙ୍କ ସହ ସମସ୍ତ କର୍ମକର୍ତ୍ତା ଉପସ୍ଥିତ ରହି ଠାକୁରଙ୍କ ରୀତିନିତି ପ୍ରକାରେ ପୂଜାର୍ଚ୍ଚନା କରାଯାଇ ଶୁଭ ଖୁଣ୍ଟି ପ୍ରତିଷ୍ଠା କରାଯାଇଥିବା ସାଧାରଣ ସମ୍ପାଦକ ଶିବ ବିଶ୍ୱାଳ କହିଛନ୍ତି । ଅନ୍ୟମାନଙ୍କ ମଧ୍ୟରେ ଉପସଭାପତି ସନକ ନାୟକ, କୋଷାଧ୍ୟକ୍ଷ ମନୋଜ ପ୍ରଧାନ, ହରିଚନ୍ଦନ, ପ୍ରଦୀପ ସାହୁ ଉପସ୍ଥିତ ଥିଲେ ।
