ଦଶପଲ୍ଲା : ଚୋରା କାଠ ମାଫିଆଙ୍କ ଚରାଭୂଇଁ ପାଲଟିଯାଇଛି ନୟାଗଡ଼ ବନଖଣ୍ଡର ବିଭିନ୍ନ ବନାଞ୍ଚଳ । ପ୍ରାପ୍ତ ସୂଚନା ଅନୁସାରେ, ନୟାଗଡ ବନଖଣ୍ଡ ଅନ୍ତର୍ଗତ ଓଡଗାଁ ବନାଞ୍ଚଳ ପକ୍ଷରୁ ବୁଧବାର ସନ୍ଧ୍ୟା ସମୟରେ ପାଟ୍ରୋଲିଂକରୁଥିବା ସମୟରେ ବନବିଭାଗ ଗାଡିକୁ ଦେଖି ଏକ ଗାଡି ଦ୍ରୁତ ଗତିରେ ଆଗକୁ ଯାଉଥିଲା । ଏହା ଦେଖି ପାଟ୍ରୋଲିଂ ଗାଡ଼ିରେ ଥିବା ଫରେଷ୍ଟର ସଂଧ୍ୟାରଣୀ ନାୟକଙ୍କୁ ସନ୍ଦେହ ହେବାରୁ ଉକ୍ତ ଗାଡିକୁ ପିଛା କରି ଦଲକଛକଠାରେ କାବୁ କରିବାରେ ସକ୍ଷମ ହୋଇଥିଲେ । ଉକ୍ତ ଗାଡିରୁ ୧୫ ଖଣ୍ଡ ଶାଳ ସାଇଜ ଜବତ କରିବା ସହ ଅଟୋ ସମେତ ଡ୍ରାଇଭରକୁ ମଧ୍ୟ ଅଟକ ରଖାଯାଇଛି । ଜବତ ପଟାର ଆନୁମାନିକ ମୂଲ୍ୟ ୨୦ ହଜାରରୁ ଉର୍ଦ୍ଧ୍ୱଟଙ୍କାର ହେବ ବୋଲି ଜଣାପଡିଛି । ଏହି ଚଢାଉରେ ଫରେଷ୍ଟ ଗାର୍ଡ ବିଦ୍ୟାଧର ରାଉତ ଏବଂ ଅନ୍ୟ ବନ କର୍ମଚାରୀମାନେ ସାମିଲ ଥିଲେ ।
