ପାଟଣାଗଡ: ମଙ୍ଗଳବାର ପ୍ରାଥମିକ ଶିକ୍ଷକ ଶିକ୍ଷା ପ୍ରତିଷ୍ଠାନ ପାଟଣାଗଡ଼ରେ ଅନୁଷ୍ଠାନର ଛାତ୍ରଛାତ୍ରୀମାନଙ୍କ ଦ୍ୱାରା ବିଦାୟକାଳୀନ ଓ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହେଇଯାଇଛି । ବହୁ ଦିନରୁ ଏହି ଅନୁଷ୍ଠାନରେ ଖାଲି ପଡ଼ିଥିବା ଲାଇବ୍ରେରୀଏନ ପଦବୀ ପାଇଁ ଆଜି ନୂତନ ଲାଇବ୍ରେରୀଏନ ଭାବେ ସୁବ୍ରଜିତ ପ୍ରଧାନ ଓ ନୂତନ ଅଧ୍ୟକ୍ଷ ଭାବେ ଗଣେଶ ପ୍ରସାଦ ଜେନା ଯୋଗଦେଇଛନ୍ତି । ପୂର୍ବରୁ ଅନୁଷ୍ଠାନର ଅଧ୍ୟକ୍ଷ ଭାବେ ଦାୟିତ୍ୱ ତୁଲାଉଥିବା ମାନସ ରଞ୍ଜନ ନାଏକଙ୍କ ଅନ୍ୟତ୍ର ବଦଳି ହେଇଥିବା ବେଳେ ନୂତନ ଅଧ୍ୟକ୍ଷ ଭାବେ ଯୋଗଦେଇଥିବା ଗଣେଶ ପ୍ରସାଦ ଜେନାଙ୍କୁ ଅଧ୍ୟକ୍ଷ ପଦବୀ ହସ୍ତାନ୍ତର କରିଛନ୍ତି । ସେହିପରି ଏହି ଅନୁଷ୍ଠାନରେ ଦୀର୍ଘ ୩୨ ବର୍ଷ ଧରି ଶିକ୍ଷକତା କରିଆସୁଥିବା ଉପେନ୍ଦ୍ର ମେହେର ଆନୁଷ୍ଠାନିକ ଭାବେ ଅବସର ନେଇଛନ୍ତି । ଏହି ପରିପେକ୍ଷିରେ ପ୍ରାଥମିକ ଶିକ୍ଷକ ଶିକ୍ଷା ପ୍ରତିଷ୍ଠାନର ଛାତ୍ରଛାତ୍ରୀମାନଙ୍କ ଦ୍ୱାରା ନୂତନ ଭାବେ ଯୋଗଦେଇଥିବା ଲାଇବ୍ରେରୀଏନ ସୁବ୍ରଜିତ ପ୍ରଧାନ ଓ ନୂତନ ଅଧ୍ୟକ୍ଷ ଗଣେଶ ଜେନାଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିବାବେଳେ ଅନ୍ୟତ୍ର ବଦଳି ହେଇଥିବା ଅଧ୍ୟକ୍ଷ ମାନସ ରଞ୍ଜନ ନାଏକ ଓ ଅବସର ନେଇଥିବା ଉପେନ୍ଦ୍ର ମେହେରଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଛି । ଏହି କାର୍ଯ୍ୟକ୍ରମରେ ପୂର୍ବ ଅଧ୍ୟକ୍ଷ ମାନସ ନାଏକ, ନୂତନ ଅଧ୍ୟକ୍ଷ ଗଣେଶ ଜେନା, ଅବସର ନେଇଥିବା ଉପେନ୍ଦ୍ର ମେହେର, ଲାଇବ୍ରେରୀଏନ ସୁବ୍ରଜିତ ପ୍ରଧାନ, ଶିକ୍ଷକ ଧ୍ରୁବଚରଣ ବିହାରୀ ଓ ଶିକ୍ଷିକା ଶ୍ରୀମତୀ ନେତ୍ରମଣୀ ପ୍ରଧାନ ମଞ୍ଚାସିନ ଥିବାବେଳେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ ।
